Kumbukumbu la Torati 32:1-52
32 “Tegeni sikio, enyi mbingu, nami niseme;Dunia na isikie maneno ya kinywa changu.+
2 Mafundisho yangu yatatiririka kama mvua,+Maneno yangu yatadondoka kama umande,+Kama mvua ya rasharasha juu ya majani+Na kama manyunyu mengi juu ya mimea+
3 Kwa maana mimi nitatangaza jina la Yehova.+Nanyi mhesabieni ukuu Mungu wetu!+
4 Yeye Mwamba, kazi zake ni kamilifu,+Kwa maana njia zake zote ni haki.+Mungu wa uaminifu,+ ambaye hana ukosefu wowote wa haki;+Yeye ni mwadilifu na mnyoofu.+
5 Wametenda kwa uharibifu;+Wao si watoto wake, kasoro ni yao wenyewe.+Kizazi kilicho kombo na kilichopotoka!+
6 Je, Yehova ndiye mnayeendelea kumfanyia hivi,+Enyi watu wajinga na ambao hawana hekima?+Je, yeye si Baba yenu aliyewazaa,+Yeye aliyewafanyiza ninyi na kuwaimarisha?+
7 Kumbuka siku za kale,+Fikirieni miaka iliyopita kutoka kizazi mpaka kizazi;Muulize baba yako, naye anaweza kukuambia;+Wanaume wenu wazee, nao wanaweza kukuambia.+
8 Wakati Aliye Juu Zaidi alipoyapa mataifa urithi,+Alipowatenganisha wana wa Adamu,+Ndipo alipoweka mpaka wa vikundi vya watu+Kuhusiana na hesabu ya wana wa Israeli.+
9 Kwa maana fungu la Yehova ni watu wake;+Yakobo ndiye mgawo anaorithi.+
10 Alimpata katika nchi ya nyika,+Na katika jangwa tupu, lenye kulia.+Alianza kumzunguka,+ kumtunza,+Kumlinda kama mboni ya jicho lake.+
11 Kama vile tai anavyokitikisa kiota chake,Anavyoelea angani juu ya watoto wake,+Anavyotandaza mabawa yake, na kuwachukua,Anavyowachukua kwenye manyoya yake,+
12 Ndivyo Yehova peke yake alivyoendelea kumwongoza,+Na hapakuwa na mungu yeyote wa kigeni pamoja naye.+
13 Aliendelea kumfanya apande juu ya mahali pa juu pa dunia,+Hivi kwamba akala mazao ya shamba.+Naye akaendelea kumfanya anyonye asali kutoka katika mwamba,+Na mafuta kutoka katika jiwe gumu;+
14 Siagi ya mifugo na maziwa ya kundi+Pamoja na mafuta ya kondoo-dume,Na kondoo-dume, uzao wa Bashani, na mbuzi-dume+Pamoja na mafuta ya figo ya ngano;+Nawe uliendelea kunywa kama divai damu ya zabibu.+
15 Yeshuruni+ alipoanza kunenepa, ndipo akapiga teke.+Umepata mafuta, umekuwa mnene, umeshiba mno.+Basi akamwacha Mungu, aliyemfanya,+Na kumdharau Mwamba+ wa wokovu wake.
16 Walianza kumchochea awe na wivu+ kwa miungu migeni;+Kwa mambo yenye kuchukiza waliendelea kumtia uchungu.+
17 Waliwatolea dhabihu roho waovu, wala si Mungu,+Miungu ambayo hawakuijua,+Mipya iliyokuja hivi karibuni,+Ambayo mababu zenu hawakuifahamu.
18 Mwamba aliyekuzaa wewe, ulimsahau,+Nawe ukaanza kumwondoa Mungu katika kumbukumbu, yule anayekutokeza kwa uchungu wa kuzaa.+
19 Yehova alipoona hilo, ndipo akawadharau wao,+Kwa sababu ya usumbufu uliosababishwa na wanawe na binti zake.
20 Kwa hiyo akasema, ‘Acha niufiche uso wangu kutoka kwao,+Acha nione mwisho wao utakuwaje baadaye.Kwa maana wao ni kizazi chenye upotovu,+Wana ambao ndani yao hamna uaminifu.+
21 Wao wamenichochea niwe na wivu kwa kile ambacho si mungu;+Wameniudhi kwa sanamu zao za ubatili;+Na mimi, nitawachochea wawe na wivu kwa kile ambacho si kikundi cha watu;+Kwa taifa jinga nitawatia uchungu.+
22 Kwa maana moto umewashwa katika hasira yangu+Nao utateketeza mpaka katika Kaburi,* mahali pa chini zaidi,+Nao utateketeza dunia na mazao yake+Nao utawasha misingi ya milima.+
23 Nitaongeza misiba juu yao;+Mishale yangu nitaitumia juu yao.+
24 Watachoka kutokana na njaa+ na kuliwa na homa kali+Na maangamizi machungu.+Na meno ya wanyama nitatuma juu yao,+Kwa sumu ya watambaazi wa mavumbini.+
25 Nje upanga utawasababishia vifo,+Na ndani woga,+Wa kijana na bikira,+Anayenyonya pamoja na mwanamume mwenye mvi.+
26 Ningalikuwa nimesema: “Nitawatawanya,+Nitalifanya jina lao likome kutoka katikati ya watu wanaoweza kufa,”+
27 Isingalikuwa kwa sababu niliogopa usumbufu kutoka kwa adui,+Kwamba wapinzani wao wangaliweza kuelewa vibaya,+Ili waseme: “Mkono wetu umeshinda,+Na si Yehova aliyefanya mambo haya yote.”+
28 Kwa maana wao ni taifa ambalo juu yake shauri huangamia,+Na katikati yao hamna uelewaji.+
29 Laiti wangalikuwa wenye hekima!+ Ndipo wangalifikiria hili kwa uzito.+Wangaliufikiria mwisho wao baadaye.+
30 Mmoja angewezaje kufuatilia elfu,Na wawili kuwafanya elfu kumi wakimbie?+
Haingewezekana isipokuwa Mwamba wao awe amewauza+Na Yehova awe amewatoa.
31 Kwa maana mwamba wao si kama Mwamba wetu,+Hata ikiwa adui zetu ndio wangeamua.+
32 Kwa maana mzabibu wao unatoka katika mzabibu wa SodomaNa kutoka katika matuta ya Gomora.+
Zabibu zao ni zabibu za sumu,Vishada vyao ni vichungu.+
33 Divai yao ni sumu ya nyoka wakubwaNa sumu kali ya swila.+
34 Je, sina akiba yake,Muhuri ukiwa umetiwa juu yake katika ghala langu?+
35 Kisasi ni changu, na malipo.+Katika wakati uliowekwa mguu wao utasogea kwa kuyumba-yumba,+Kwa maana siku ya maafa yao iko karibu,+Na matukio yanafanya haraka kujitayarisha kwa ajili yao.’+
36 Kwa maana Yehova atawahukumu watu wake+Naye atajuta juu ya watumishi wake,+Kwa sababu ataona kwamba tegemeo limetowekaNa aliyeko tu ni mtu asiye na uwezo na asiye na thamani.
37 Naye hakika atasema, ‘Miungu yao iko wapi,+Mwamba ambaye walimkimbilia,+
38 Iliyokuwa ikila mafuta ya dhabihu zao,+Ili kunywa divai ya matoleo yao ya kinywaji?+Na isimame na kuwasaidia ninyi.+Na iwe mahali pa maficho kwa ajili yenu.+
39 Oneni sasa kwamba mimi—mimi ndiye+Na hakuna miungu pamoja nami.+Mimi huua, nami hufanya hai.+Nimejeruhi vikali,+ na mimi—mimi nitaponya,+Na hakuna anayenyakua kutoka mkononi mwangu.+
40 Kwa maana mimi nainua mkono wangu kuelekea mbinguni kwa kiapo,+Nami ninasema: “Kama nilivyo hai mpaka wakati usio nakipimo,”+
41 Kwa kweli nikiunoa upanga wangu unaometameta,+Na mkono wangu ushike hukumu,+Nitawalipa kisasi wapinzani wangu+Na kutoa malipo kwa wale wanaonichukia vikali.+
42 Nitailewesha mishale yangu kwa damu,+Nao upanga wangu utakula nyama,+Kwa damu ya waliouawa na mateka,Kwa vichwa vya viongozi wa adui.’+
43 Furahini, enyi mataifa, pamoja na watu wake,+Kwa maana atalipiza kisasi damu ya watumishi wake,+Naye atawalipa kisasi adui zake+Naye kwa kweli atafanya upatanisho kwa ajili ya nchi ya watu wake.”
44 Basi Musa akaja na kusema maneno yote ya wimbo huu masikioni mwa watu,+ yeye na Hoshea mwana wa Nuni.+
45 Baada ya Musa kumaliza kuwaambia Israeli wote maneno yote hayo,
46 ndipo akawaambia: “Tieni mioyo yenu katika maneno yote ninayosema kwa kuwaonya ninyi leo,+ ili muwaamuru wana wenu wawe waangalifu kufanya maneno yote ya sheria hii.+
47 Kwa maana hilo si neno lisilo na thamani kwenu,+ bali linamaanisha uhai wenu,+ na kwa neno hili mnaweza kurefusha siku zenu juu ya udongo ambao mnavuka Yordani ili kuumiliki.”+
48 Na Yehova akasema na Musa siku hiyohiyo, na kumwambia:
49 “Panda juu ya mlima huu wa Abarimu,+ Mlima Nebo,+ ulio katika nchi ya Moabu, mbele ya Yeriko, nawe uione nchi ya Kanaani, ninayowapa wana wa Israeli waimiliki.+
50 Kisha ufe katika mlima utakaopanda, na kukusanywa kwa watu wako,+ kama vile Haruni ndugu yako alivyokufa katika Mlima Hori+ na kukusanywa kwa watu wake;
51 Kwa sababu ninyi mlitenda isivyofaa kunielekea mimi+ katikati ya wana wa Israeli kwenye maji ya Meriba+ ya Kadeshi katika nyika ya Zini; kwa sababu ninyi hamkunitakasa mimi katikati ya wana wa Israeli.+
52 Kwa maana kutoka mbali utaiona nchi, lakini hutaingia katika nchi ninayowapa wana wa Israeli.”+
Maelezo ya Chini
^ Sheoli. Tazama Nyongeza 4.
