Zaburi 144:1-15
Ya Daudi.
144 Na abarikiwe Yehova Mwamba wangu,+Anayeifundisha mikono yangu kwa ajili ya kupigana,+Vidole vyangu kwa ajili ya vita;
2 Fadhili zangu zenye upendo na ngome yangu,+Kilele changu salama na Mwokoaji wangu,+Ngao+ yangu na Yeye ambaye nimemkimbilia,+Yule anayevitiisha vikundi vya watu chini yangu.+
3 Ee Yehova, mwanadamu ni nini hata umtambue,+Mwana wa binadamu anayeweza kufa+ hata umwangalie?
4 Mwanadamu anafanana na pumzi tu;+Siku zake ni kama kivuli kinachopita.+
5 Ee Yehova, uinamishe mbingu zako ili upate kushuka;+Uiguse milima ipate kutoa moshi.+
6 Angaza kwa umeme ili upate kuwatawanya;+Itume mishale yako ili upate kuwavuruga.+
7 Unyooshe mikono yako kutoka katika kilele;+Uniweke huru na kunikomboa kutoka katika maji mengi,+Kutoka kwa mkono wa wageni,+
8 Ambao kinywa chao kimesema mambo yasiyo ya kweli+Na ambao mkono wao wa kuume ni mkono wa kuume wa uwongo.+
9 Ee Mungu, nitakuimbia wimbo mpya.+Kwenye kinanda cha nyuzi kumi nitakupigia wewe muziki,+
10 Wewe unayewapa wafalme wokovu,+Wewe unayemweka Daudi mtumishi wako huru kutokana na upanga wenye kuumiza.+
11 Uniweke huru na kunikomboa kutoka kwa mkono wa wageni,+Ambao kinywa chao kimesema mambo yasiyo ya kweli+Na ambao mkono wao wa kuume ni mkono wa kuume wa uwongo,+
12 Wanaosema: “Wana wetu ni kama mimea michanga iliyokua wakati wa ujana wao,+Binti zetu ni kama nguzo za pembeni zilizochongwa kwa mtindo wa jumba la mfalme,
13 Maghala yetu yamejaa, yakitoa mali za aina moja baada ya nyingine,+Makundi yetu yanaongezeka kwa maelfu, elfu kumi kwa moja, kwenye barabara zetu,
14 Ng’ombe zetu ni wazito, bila mpasuko wala mimba kutoka,+Na hakuna kilio katika viwanja vyetu vya watu wote.+
15 Wenye furaha ni watu ambao mambo yako hivyo kwao!”Wenye furaha ni watu ambao Mungu wao ni Yehova!+
