Zaburi 69:1-36
Kwa kiongozi juu ya Mayungiyungi.+ Ya Daudi.
69 Uniokoe, Ee Mungu, kwa maana maji yamefika mpaka kwenye nafsi.+
2 Nimezama katika matope mengi, mahali ambapo hapana udongo wa kusimama.+Nimeingia katika maji mengi,Na kijito kinachotiririka kimenifagilia mbali.+
3 Nimechoka kwa sababu ya kuita kwangu;+Koo yangu imekauka.Macho yangu yameshindwa huku nikimngojea Mungu wangu.+
4 Wale wanaonichukia bila sababu wamekuwa wengi hata kuliko nywele za kichwa changu.+Wale wanaoninyamazisha, wakiwa ni adui zangu bila sababu, wamekuwa wengi.+Kisha nikarudisha kile ambacho sikuwa nimechukua kwa unyang’anyi.
5 Ee Mungu, wewe mwenyewe umeujua upumbavu wangu,Nayo hatia yangu haikufichwa mbele zako.+
6 Wale wanaokutumainia na wasione aibu kwa sababu yangu,+Ee Bwana Mwenye Enzi Kuu, Yehova wa majeshi.+Wale wanaokutafuta na wasifedheheshwe kwa sababu yangu,+Ee Mungu wa Israeli.+
7 Kwa maana nimevumilia shutuma kwa sababu yako,+Fedheha imeufunika uso wangu.+
8 Nimetengwa na ndugu zangu,+Na kuwa mgeni kwa wana wa mama yangu.+
9 Kwa maana bidii nyingi kwa ajili ya nyumba yako imenila,+Na shutuma za wale wanaokushutumu zimeniangukia.+
10 Nami nikalia kwa kufunga kwa nafsi yangu,+Lakini ikawa shutuma kwangu.+
11 Nilipofanya magunia kuwa mavazi yangu,Ndipo nikawa neno la kimethali kwao.+
12 Wale wanaoketi kwenye lango wakaanza kujishughulisha nami,+Nikawa kiini cha nyimbo za watu wanaokunywa kileo.+
13 Lakini mimi, nilikutolea sala, Ee Yehova,+Wakati unaofaa, Ee Mungu.+Katika wingi wa fadhili zako zenye upendo unijibu kwa kweli ya wokovu wako.+
14 Unikomboe kutoka katika matope, ili nisizame.+Na nikombolewe kutoka kwa wale wanaonichukia+ na kutoka katika kilindi cha maji.+
15 Kijito cha maji yanayotiririka kisinifagilie mbali,+Wala kilindi kisinimeze,Wala kisima kisifunge kinywa chake juu yangu.+
16 Unijibu, Ee Yehova, kwa maana fadhili zako zenye upendo ni njema.+Kulingana na wingi wa rehema zako ugeuke kunielekea,+
17 Wala usimfiche mtumishi wako uso wako.+Kwa sababu niko katika dhiki kali, unijibu upesi.+
18 Njoo karibu na nafsi yangu, uiokoe;+Kwa sababu ya adui zangu, unikomboe.+
19 Wewe mwenyewe umejua shutuma yangu na aibu yangu na fedheha yangu.+Wote wanaonionyesha uadui wako mbele zako.+
20 Shutuma imeuvunja moyo wangu, nalo jeraha haliwezi kuponywa.+Nami niliendelea kutumainia mtu fulani aonyeshe kusikitika, lakini hapakuwa na yeyote;+Na watu wa kufariji, lakini sikupata yeyote.+
21 Lakini walinipa mmea wenye sumu kuwa chakula,+Na kwa ajili ya kiu yangu wakajaribu kuninywesha siki.+
22 Meza yao iliyo mbele yao na iwe mtego,+Na vitu vilivyo kwa ajili ya hali njema yao na viwe mnaso.+
23 Macho yao na yatiwe giza ili yasione;+Na ufanye viuno vyao viyumbe-yumbe daima.+
24 Umwage juu yao shutuma yako,+Na hasira yako inayowaka iwapate.+
25 Kambi yao iliyozungushiwa ukuta na iwe ukiwa;+Na kusiwe na mkaaji katika mahema yao.+
26 Kwa maana yule ambaye wewe mwenyewe umempiga, wamemfuatilia,+Nao wanaendelea kusimulia maumivu ya wale ambao wewe uliwachoma.
27 Wape kosa juu ya kosa lao,+Wala wasiingie katika uadilifu wako.+
28 Na wafutwe kutoka katika kitabu cha walio hai,+Wala wasiandikwe pamoja na waadilifu.+
29 Lakini mimi ninateseka na nina maumivu.+Wokovu wako mwenyewe, Ee Mungu, na unilinde.+
30 Nitalisifu jina la Mungu kwa wimbo,+Nami nitamtukuza kwa kutoa shukrani.+
31 Hilo pia litampendeza Yehova kuliko ng’ombe-dume,+Kuliko ng’ombe-dume mchanga mwenye pembe, mwenye kwato zilizogawanyika.+
32 Hakika wapole wataliona hilo; watashangilia.+Ninyi mnaomtafuta Mungu, moyo wenu na uendelee kuwa hai.+
33 Kwa maana Yehova anawasikiliza maskini,+Wala kwa kweli hatawadharau wafungwa wake mwenyewe.+
34 Mbingu na dunia na zimsifu,+Bahari na vyote vinavyotembea ndani yake.+
35 Kwa maana Mungu mwenyewe ataokoa Sayuni+Naye atayajenga majiji ya Yuda;+Nao hakika watakaa humo na kuimiliki.+
36 Na uzao wa watumishi wake wataurithi,+Na wale wanaolipenda jina lake ndio watakaokaa humo.+
