Zaburi 74:1-23
Maskili. Ya Asafu.+
74 Kwa nini, Ee Mungu, umetutupilia mbali milele?+Kwa nini hasira yako inatoa moshi daima juu ya kundi la malisho yako?+
2 Ulikumbuke kusanyiko lako ulilojipatia zamani za kale,+Kabila ulilolikomboa liwe urithi wako,+Huu Mlima Sayuni ambapo umekaa.+
3 Uziinue hatua zako kwenye ukiwa wenye kudumu muda mrefu.+Kila kitu katika mahali patakatifu adui amekitendea vibaya.+
4 Wale wanaokuonyesha uadui wamenguruma katikati ya mahali pa kukutania.+Wameweka ishara zao wenyewe kuwa ndizo ishara.+
5 Mtu ana sifa mbaya ya kuwa kama yule anayeinua mashoka juu ya kichaka cha miti.
6 Na sasa vitu vyake vilivyochongwa, kila kimoja, wao wanakipiga hata kwa kishoka na kwa mipini yenye ncha za chuma.+
7 Wamepatupa ndani ya moto patakatifu pako.+Wametia unajisi maskani ya jina lako mpaka chini.+
8 Wao, hata uzao wao, wamesema pamoja moyoni mwao:“Mahali pote pa kukutania pa Mungu katika nchi lazima pateketezwe.”+
9 Hatujaona ishara zetu; hakuna nabii tena,+Wala hakuna yeyote kwetu anayejua ni kwa muda gani.
10 Ee Mungu, mpinzani ataendelea kushutumu mpaka wakati gani?+Je, adui ataendelea kulidharau jina lako milele?+
11 Kwa nini unaendelea kuuondoa mkono wako, naam, mkono wako wa kuume+Kutoka katikati ya kifua chako ili kutumaliza sisi?
12 Hata hivyo Mungu ni Mfalme wangu tangu zamani za kale,+Yeye anayefanya wokovu mkuu katikati ya dunia.+
13 Wewe mwenyewe uliichochea bahari kwa nguvu zako mwenyewe;+Ulivunja vichwa vya wanyama wakubwa wa baharini katika maji.+
14 Wewe mwenyewe uliponda vipande-vipande vichwa vya Lewiathani.*+Ukawapa watu kuwa chakula, wale wanaokaa katika maeneo yasiyo na maji.+
15 Wewe ndiye Yule aliyepasua bubujiko na mto;+Wewe mwenyewe uliikausha mito inayotiririka daima.+
16 Mchana ni wako; pia, usiku ni wako.+Wewe mwenyewe uliutayarisha mwanga, naam, jua.+
17 Ni wewe uliyeweka mipaka yote ya dunia;+Majira ya kiangazi na majira ya baridi kali—wewe mwenyewe uliyafanyiza.+
18 Ukumbuke hili: Adui ameshutumu, Ee Yehova,+Na kikundi cha watu wasio na akili kimelidharau jina lako.+
19 Usimpe mnyama-mwitu nafsi ya njiwa-tetere wako.+Usiusahau milele uhai wa watu wako wanaoteseka.+
20 Ulitazame agano,+Kwa maana sehemu za dunia zenye giza zimejaa makao ya jeuri.+
21 Mtu aliyepondwa na asirudi akiwa amefedheheshwa.+Mwenye kuteseka na maskini na walisifu jina lako.+
22 Usimame, Ee Mungu, uendeshe kesi yako.+Uikumbuke shutuma yako mchana kutwa kutoka kwa mtu asiye na akili.+
23 Usiisahau sauti ya wale wanaokuonyeshauadui.+Kelele za wale wanaosimama dhidi yako zinapaa daima.+
Maelezo ya Chini
^ Pengine mamba.
