Zaburi 86:1-17
Sala ya Daudi
86 Utege sikio lako, Ee Yehova. Unijibu,+Kwa maana ninateseka nami ni maskini.+
2 Uilinde nafsi yangu, kwa maana mimi ni mshikamanifu.+Umwokoe mtumishi wako—wewe ni Mungu wangu—anayekutegemea.+
3 Unionyeshe kibali, Ee Yehova,+Kwa maana ninaendelea kukuitia wewe mchana kutwa.+
4 Uifanye nafsi ya mtumishi wako ishangilie,+Kwa maana, Ee Yehova, ninakuinulia wewe nafsi yangu.+
5 Kwa maana wewe, Ee Yehova, ni mwema+ na uko tayari kusamehe;+Na fadhili zenye upendo ni nyingi kwa wale wote wanaokuitia.+
6 Utege sikio, Ee Yehova, kwa sala yangu;+Na uisikilize sauti yangu ya kusihi.+
7 Katika siku ya taabu yangu nitakuitia wewe,+Kwa maana utanijibu.+
8 Hakuna yeyote aliye kama wewe katikati ya miungu, Ee Yehova,+Wala hakuna kazi zozote kama zako.+
9 Mataifa yote ambayo umeyafanya, yatakuja yenyewe,+Nayo yatainama mbele zako, Ee Yehova,+Na kulipa utukufu jina lako.+
10 Kwa maana wewe ni mkuu na unafanya mambo ya ajabu;+Wewe ni Mungu, wewe peke yako.+
11 Unifundishe, Ee Yehova, juu ya njia yako.+Nitatembea katika kweli yako.+Unganisha moyo wangu ili kuliogopa jina lako.+
12 Ninakusifu, Ee Yehova Mungu wangu, kwa moyo wangu wote,+Nami nitalitukuza jina lako mpaka wakati usio na kipimo,
13 Kwa maana fadhili zako zenye upendo ni kuu kunielekea mimi,+Nawe umeikomboa nafsi yangu kutoka katika Kaburi,* mahali pake pa chini kabisa.+
14 Ee Mungu, wenye kimbelembele wamesimama juu yangu;+Nalo kusanyiko la wenye kuonea wameitafuta nafsi yangu,+Nao hawajakuweka mbele yao.+
15 Lakini wewe, Ee Yehova, ni Mungu mwenye rehema na mwenye neema,+Si mwepesi wa hasira+ na ni mwingi wa fadhili zenye upendo na ukweli.+
16 Nigeukie na kunionyesha kibali.+Umpe mtumishi wako nguvu zako,+Na umwokoe mwana wa kijakazi wako.+
17 Unitendee ishara inayomaanisha wema,Ili wale wanaonichukia wapate kuiona na kuaibika.+Kwa maana wewe mwenyewe, Ee Yehova, umenisaidia na kunifariji.+
Maelezo ya Chini
^ Sheoli. Tazama Nyongeza 4.
