Zaburi 92:1-15
Muziki, wimbo, kwa ajili ya siku ya sabato.
92 Ni vema kumtolea Yehova shukrani+Na kulipigia jina lako muziki, ewe Uliye Juu Zaidi;+
2 Kutangaza asubuhi fadhili zako zenye upendo+Na nyakati za usiku uaminifu wako.+
3 Kwa kinanda cha nyuzi kumi na kwa udi,+Kwa muziki unaovuma wa kinubi.+
4 Kwa maana umenifanya nishangilie, Ee Yehova, kwa sababu ya utendaji wako;Kwa sababu ya kazi za mikono yako, ninapiga vigelegele kwa shangwe.+
5 Jinsi zilivyo kuu kazi zako, Ee Yehova!+Fikira zako ni zenye kina kikubwa sana.+
6 Mtu yeyote asiyetumia akili hawezi kuzijua,+Wala yeyote aliye mjinga hawezi kuelewa hili.+
7 Wakati waovu wanapochipuka kama majani+Na wote wanaotenda mambo yenye kuumiza wanapochanuka,Ni ili wao wapate kuangamizwa milele.+
8 Lakini wewe uko juu mpaka wakati usio na kipimo, Ee Yehova.+
9 Kwa maana, tazama! adui zako, Ee Yehova,+Kwa maana, tazama! adui zako mwenyewe wataangamia;+Wote wanaofanya mambo yenye kuumiza watatenganishwa.+
10 Lakini wewe utaiinua pembe yangu kama ile ya ng’ombe-mwitu;+Nitajipaka mafuta mapya.+
11 Na jicho langu litawatazama adui zangu;+Masikio yangu yatasikia habari za wale wanaosimama juu yangu, watenda-maovu.
12 Mwadilifu atachanua kama mtende;+Kama mwerezi katika Lebanoni, atakuwa mkubwa.+
13 Wale ambao wamepandwa katika nyumba ya Yehova,+Katika nyua za Mungu wetu,+ watachanuka.
14 Bado wataendelea kusitawi wakati wa kuwa na kichwa chenye mvi,+Wataendelea kuwa wanono na wabichi,+
15 Ili kutangaza kwamba Yehova ni mnyoofu.+Yeye ni Mwamba wangu,+ ambaye ndani yake hamna ukosefu wowote wa uadilifu.+
