Isaya 64:1-12
64 Laiti ungezipasua mbingu ushuke chini,Ili milima itetemeke kwa sababu yako,
2 Kama moto unavyoteketeza vichaka,Na moto huo unachemsha maji,Basi jina lako litajulikana kwa maadui wako,Na mataifa yatatetemeka mbele zako!
3 Ulipofanya mambo yanayoogopesha ambayo hatungeweza kuyatazamia,+Ulishuka, nayo milima ikatetemeka mbele zako.+
4 Tangu zamani hakuna mtu aliyesikia wala kutega sikio,Wala hakuna jicho lililomwona Mungu, isipokuwa wewe,Yule anayetenda kwa ajili ya wale wanaoendelea kumtarajia.*+
5 Umekutana na wale wanaoshangilia kutenda mambo yanayofaa,+Wale wanaokukumbuka na kufuata njia zako.
Tazama! Ulikuwa na ghadhabu, huku sisi tukiendelea kutenda dhambi,+Tulifanya hivyo kwa muda mrefu.
Je, sasa tuokolewe?
6 Na sisi sote tumekuwa kama mtu asiye safi,Na matendo yetu yote ya uadilifu ni kama kitambaa cha hedhi.+
Sisi sote tutanyauka kama jani,Na makosa yetu yatatupeperusha kama upepo.
7 Hakuna yeyote anayeliitia jina lako,Hakuna yeyote anayejichochea kukushika,Kwa maana umeuficha uso wako kutoka kwetu,+Nawe unatufanya tudhoofike* kwa sababu ya* kosa letu.
8 Lakini sasa, Ee Yehova, wewe ni Baba yetu.+
Sisi ni udongo, nawe ni Mfinyanzi wetu;*+Sisi sote ni kazi ya mkono wako.
9 Usiwe na ghadhabu nyingi, Ee Yehova,+Nawe usilikumbuke kosa letu milele.
Tafadhali, tutazame, kwa maana sisi sote ni watu wako.
10 Majiji yako matakatifu yamekuwa nyika.
Sayuni imekuwa nyika,Yerusalemu limekuwa ukiwa.+
11 Nyumba yetu ya* utakatifu na utukufu,*Ambamo mababu zetu walikusifu,Imeteketezwa kwa moto,+Na vitu vyote tulivyovithamini sana vimeharibiwa.
12 Baada ya hayo yote, je, bado utajizuia, Ee Yehova?
Je, utaendelea kunyamaza na kuacha tuteseke kupita kiasi?+
Maelezo ya Chini
^ Au “kumngojea kwa subira.”
^ Tnn., “kwa mkono wa.”
^ Tnn., “tuyeyuke.”
^ Au “Muumba wetu.”
^ Au “Hekalu letu la.”
^ Au “uzuri.”
