Methali 18:1-24
18 Yeyote anayejitenga na wengine anafuatia tamaa zake mwenyewe za kichoyo;Hukataa* hekima yote inayotumika.
2 Mtu mpumbavu hapendezwi na uelewaji;Anaona ni afadhali afunue yaliyo moyoni mwake.+
3 Mtu mwovu anapokuja, dharau huja pia,Na aibu huja pamoja na fedheha.+
4 Maneno ya kinywa cha mtu ni maji yenye kina.+
Chemchemi ya hekima ni kijito kinachobubujika.
5 Si vema kumpendelea mwovu+Wala kumnyima haki mtu mwadilifu.+
6 Maneno ya mpumbavu husababisha ugomvi,+Na kinywa chake hualika kipigo.+
7 Kinywa cha mpumbavu ndicho kinachomwangamiza,+Na midomo yake ni mtego kwa uhai wake.*
8 Maneno ya mchongezi ni kama matonge matamu;*+Humezwa na kushuka tumboni moja kwa moja.+
9 Yeyote aliye mvivu katika kazi yakeNi ndugu ya mtu mharibifu.+
10 Jina la Yehova ni mnara wenye nguvu.+
Mwadilifu hukimbilia humo na kupata ulinzi.*+
11 Mali ya tajiri ni jiji lake lenye ngome;Ni kama ukuta wa ulinzi katika mawazo yake.+
12 Kabla ya kuanguka kwa kishindo moyo wa mtu huwa na kiburi,+Na kabla ya utukufu kuna unyenyekevu.+
13 Yeyote anayejibu kabla ya kusikia ukweli wa mambo,Huo ni upumbavu na aibu kwake.+
14 Roho ya mtu inaweza kumtegemeza anapokuwa mgonjwa,+Lakini ni nani anayeweza kustahimili roho iliyopondeka?*+
15 Moyo wa mtu mwenye uelewaji hupata ujuzi,+Na sikio la mwenye hekima hujitahidi kupata ujuzi.
16 Zawadi ya mwanadamu humfungulia njia;+Humwezesha kufika mbele ya watu mashuhuri.
17 Mtu wa kwanza kuwasilisha kesi yake huonekana kuwa sahihi,+Mpaka mwingine anapokuja na kumuuliza maswali.*+
18 Kupiga kura hukomesha mizozo+Na kukata maneno kati ya* wapinzani wenye nguvu.
19 Ndugu aliyekosewa ni mgumu kuliko jiji lenye ngome,+Na kuna mizozo ambayo ni kama makomeo ya ngome.+
20 Tumbo la mtu litajazwa matunda ya maneno yake;*+Atashiba mazao ya midomo yake.
21 Kifo na uhai viko katika nguvu za ulimi;+Wale wanaopenda kuutumia watakula matunda yake.+
22 Anayepata mke mwema amepata kitu chema,+Naye hupata kibali cha* Yehova.+
23 Maskini husihi anapoongea,Lakini tajiri hujibu kwa ukali.
24 Kuna marafiki walio tayari kuangamizana,+Lakini kuna rafiki anayeshikamana na mtu kwa ukaribu kuliko ndugu.+
Maelezo ya Chini
^ Au “Hudharau.”
^ Au “nafsi yake.”
^ Au “vitu vinavyomezwa kwa pupa.”
^ Tnn., “na kuinuliwa juu,” yaani, hawezi kufikiwa, yuko salama.
^ Au “iliyokata tamaa kabisa?”
^ Au “kumhoji.”
^ Tnn., “Na kuwatenganisha.”
^ Tnn., “kinywa chake.”
^ Au “nia njema ya.”
