Zaburi 101:1-8
Muziki wa Daudi.
101 Nitaimba kuhusu upendo mshikamanifu na haki.
Nitakuimbia sifa,* Ee Yehova.
2 Nitatenda kwa busara na bila lawama.*
Utanijia lini?
Nitatembea kwa utimilifu wa moyo+ ndani ya nyumba yangu.
3 Sitaweka kitu chochote kisichofaa* mbele ya macho yangu.
Ninachukia matendo ya wale wanaokengeuka kutoka kwa jambo lililo sawa;+Sitashirikiana nao kamwe.*
4 Moyo uliopotoka uko mbali nami;Sitakubali* jambo lililo ovu.
5 Yeyote anayemchongea jirani yake kwa siri,+Nitamnyamazisha.*
Yeyote aliye na macho ya kiburi na moyo wenye majivuno,Sitamvumilia.
6 Nitawatazama waaminifu wa dunia,Ili wakae nami.
Yule anayetembea bila lawama* atanihudumia.
7 Hakuna mtu yeyote mdanganyifu atakayekaa katika nyumba yangu,Na hakuna mwongo atakayesimama mbele yangu.*
8 Kila asubuhi nitawanyamazisha* waovu wote wa dunia,Nitawaangamiza waovu wote kutoka katika jiji la Yehova.+
Maelezo ya Chini
^ Au “Nitakupigia muziki.”
^ Au “utimilifu.”
^ Au “cha ubatili.”
^ Au “Matendo yao hayashikamani nami.”
^ Tnn., “Sitajua.”
^ Au “Nitamwangamiza.”
^ Au “kwa utimilifu.”
^ Tnn., “mbele ya macho yangu.”
^ Au “nitawaangamiza.”
