Zaburi 16:1-11
Miktamu* ya Daudi.
16 Nilinde, Ee Mungu, kwa maana nimekukimbilia wewe.+
2 Nimemwambia Yehova: “Wewe ni Yehova, Chanzo changu cha wema.
3 Na watakatifu walio duniani,Watukufu, ndio ninaopendezwa nao sana.”+
4 Wale wanaoifuatia miungu mingine huzidisha huzuni yao.+
Sitamimina kamwe matoleo yao ya vinywaji ya damu,Wala midomo yangu haitataja majina yao.+
5 Yehova ni fungu langu, sehemu niliyogawiwa,+ na kikombe changu.+
Unaulinda urithi wangu.
6 Nimepimiwa sehemu zinazopendeza.
Naam, nimeridhika na urithi wangu.+
7 Nitamsifu Yehova, ambaye amenipa ushauri.+
Hata wakati wa usiku, mawazo yangu ya ndani kabisa* hunirekebisha.+
8 Ninamweka Yehova mbele yangu daima.+
Kwa sababu yuko mkono wangu wa kulia, sitatikiswa kamwe.*+
9 Kwa hiyo moyo wangu unashangilia, nafsi yangu yote ina* shangwe.
Nami ninaishi* kwa usalama.
10 Kwa maana hutaniacha* Kaburini.*+
Hutamruhusu mshikamanifu wako aone shimo.*+
11 Unanijulisha njia ya uzima.+
Shangwe tele iko mbele zako;*+Kuna furaha* kwenye mkono wako wa kuume milele.
Maelezo ya Chini
^ Au “hisia zangu za ndani kabisa.” Tnn., “figo zangu.”
^ Au “sitapepesuka (sitayumbayumba) kamwe.”
^ Tnn., “utukufu wangu una.”
^ Au “Mwili wangu huishi.”
^ Au “hutaiacha nafsi yangu.”
^ Au labda, “aone uharibifu.”
^ Tnn., “pamoja na uso wako.”
^ Au “uzuri.”
