Zaburi 63:1-11
Muziki wa Daudi, alipokuwa katika nyika ya Yuda.+
63 Ee Mungu, wewe ni Mungu wangu, ninaendelea kukutafuta.+
Nina kiu kwa ajili yako.+
Ninazimia* kwa sababu ninakutamaniKatika nchi kame iliyokauka, ambayo haina maji.+
2 Kwa hiyo nimekutazama mahali patakatifu;Nimeziona nguvu zako na utukufu wako.+
3 Kwa sababu upendo wako mshikamanifu ni bora kuliko uhai,+Midomo yangu mwenyewe itakutukuza.+
4 Basi nitakusifu maisha yangu yote;Katika jina lako nitaiinua mikono yangu.
5 Nimeridhika na fungu bora ambalo ni zuri kabisa,*Kwa hiyo kinywa changu kitakusifu kwa midomo yenye shangwe.+
6 Ninakukumbuka wewe nikiwa kitandani mwangu;Ninatafakari kukuhusu katika makesha ya usiku.+
7 Kwa maana wewe ni msaidizi wangu,+Nami ninapaza sauti kwa shangwe katika kivuli cha mabawa yako.+
8 Ninashikamana nawe;Mkono wako wa kuume hunishika kwa nguvu.+
9 Lakini wale wanaotaka kuniua*Watashuka katika sehemu zenye kina zaidi za dunia.
10 Watatiwa katika nguvu za upanga;Watakuwa chakula cha mbwamwitu.*
11 Lakini mfalme atashangilia kwa sababu ya Mungu.
Kila mtu anayeapa katika jina la Mungu atashangilia,*Kwa maana kinywa cha wale wanaosema uwongo kitanyamazishwa.
Maelezo ya Chini
^ Tnn., “Mwili wangu unazimia.”
^ Tnn., “Nimeridhika kana kwamba nina mafuta na nimejaa mafuta.”
^ Au “kuiangamiza nafsi yangu.”
^ Au “mbweha.”
^ Au “atajigamba.”
