KWA NINI NI MUHIMU?: Machapisho yote katika Sanduku letu la Vifaa vya Kufundishia humwelekeza mtu kwenye jw.org. Kusudi kuu la kadi ya mawasiliano na trakti yenye kichwa Tutapata Wapi Majibu ya Maswali Muhimu Maishani? ni kuwaelekeza watu kwenye tovuti yetu. Unaweza kumpa mtu chapisho kutoka kwenye Sanduku la Vifaa vya Kufundishia kwa kumtumia barua-pepe ya chapisho la kielektroni au kwa kushiriki kiunganishi. Kufanya hivyo kunaweza kufaa sana hasa unapomhubiria mtu anayezungumza lugha nyingine. Isitoshe, watu wanaweza kuuliza maswali ambayo hayajibiwi katika machapisho yaliyo kwenye Sanduku la Vifaa vya Kufundishia. Ikiwa tutatumia tovuti yetu kwa ustadi, tunaweza kuwa na matokeo zaidi katika huduma.

JINSI YA KUFANYA HIVYO:

• Tumia tabo ya “MAFUNDISHO YA BIBLIA”. Ikiwa unamhubiria mzazi anayetaka habari nyingi zaidi kuhusu kuwalea watoto, nenda kwenye MAFUNDISHO YA BIBLIA > NDOA NA FAMILIA.

• Tumia tabo ya “MACHAPISHO”. Ikiwa unahubiri isivyo rasmi shuleni na unataka kushiriki na mwanafunzi mwenzako broshua Majibu ya Maswali 10 Ambayo Vijana Huuliza, nenda kwenye MACHAPISHO > VITABU NA BROSHUA.

• Tumia tabo ya “KUTUHUSU”. Ikiwa unamhubiria mfanyakazi mwenzako ambaye angependa kusoma habari fupi kuhusu mambo tunayoamini, nenda kwenye KUTUHUSU > MASWALI YANAYOULIZWA MARA NYINGI.

TAZAMENI VIDEO KUTUMIA JW.ORG, KISHA MZUNGUMZIE MNAWEZA KWENDA WAPI KATIKA TOVUTI HIYO ILI KUMSAIDIA:

• mtu anayeamini kwamba hakuna Mungu

• mtu aliyepatwa na msiba

• ndugu au dada asiyetenda

• mtu unayemrudia ambaye angependa kujua jinsi kazi yetu inavyogharimiwa

• mtu kutoka nchi nyingine ambaye angependa kuhudhuria mkutano nchini kwao