Kwa nini tunapaswa kutumia muda pamoja na wale wanaompenda Yehova? Kwa sababu watu tunaoshirikiana nao wanatuathiri kwa njia nzuri au mbaya. (Met 13:20) Kwa mfano, Mfalme Yehoashi alifanya “yaliyokuwa sawa machoni pa Yehova” sikuzote alizoshirikiana na Kuhani Mkuu Yehoyada. (2Nya 24:2) Yehoyada alipokufa, Yehoashi alimwacha Yehova kwa sababu alishirikiana na watu wabaya.—2Nya 24:17-19.

Katika karne ya kwanza W.K., mtume Paulo alilinganisha kutaniko la Kikristo na “nyumba kubwa” na aliwalinganisha washiriki wa kutaniko na “vyombo,” au vifaa vya nyumbani. Tutaendelea kuwa “kifaa cha matumizi yanayoheshimika” tunapoepuka kushirikiana kwa ukaribu na mtu yeyote, hata ikiwa ni mshiriki wa familia yetu au wa kutaniko, anayefanya mambo yasiyompendeza Yehova. (2Ti 2:20, 21) Hivyo, acheni tuendelee kutafuta marafiki wanaompenda Yehova na wanaotuchochea kumtumikia.

TAZAMENI VIDEO JIFUNZE KUKATAA MASHIRIKA MABAYA, KISHA MJIBU MASWALI YAFUATAYO:

• Ni kwa njia zipi mtu anaweza kujikuta akishirikiana na marafiki wabaya?

• Katika video, ni nini kilichowasaidia Wakristo hao watatu waache kushirikiana na watu wabaya?

• Ni kanuni zipi za Biblia zinazoweza kukusaidia kuchagua marafiki kwa hekima?