Kila mwaka, Wakristo wengi wasiotenda huhudhuria Ukumbusho. Walianza kukimbia mbio za uzima lakini wakarudi nyuma kwa sababu mbalimbali. Baadhi ya sababu hizo zimezungumziwa katika broshua Mrudie Yehova. (Ebr 12:1) Hata hivyo, wale wasiotenda bado wana thamani machoni pa Yehova, ambaye aliwanunua kwa damu ya Mwana wake. (Mdo 20:28; 1Pe 1:18, 19) Tunaweza kuwasaidiaje warudi kutanikoni?

Wazee wa kutaniko wanajitahidi kuwatafuta na kuwasaidia Wakristo wasiotenda kama tu mchungaji anavyowatafuta kwa bidii kondoo ambao wamepotea. (Lu 15:4-7) Jambo hilo linaonyesha utunzaji wenye upendo wa Yehova. (Yer 23:3, 4) Sisi sote tunaweza kuwatia moyo wasiotenda, si wazee tu. Jitihada zetu za kuonyesha fadhili na hisia-mwenzi zinampendeza Yehova na zinaweza kuwa na matokeo mazuri sana. (Met 19:17; Mdo 20:35) Kwa hiyo, fikiria ni nani unayeweza kumtia moyo, na ufanye hivyo bila kukawia!

TAZAMA VIDEO WATIE MOYO WASIOTENDA, NA KISHA UCHUNGUZE MASWALI YAFUATAYO:

• Abbey alichukua hatua gani alipokutana na Shahidi ambaye hakumfahamu?

• Kwa nini tunapaswa kuzungumza na wazee tunapofikiria kumsaidia mtu fulani asiyetenda?

• Abbey alijitayarishaje ili kumtembelea Laura mara ya pili?

• Abbey alionyeshaje uvumilivu, subira, na upendo alipokuwa akijaribu kumtia moyo Laura?

• Tunajifunza nini kutokana na mfano wa Yesu unaopatikana kwenye Luka 15:8-10?

• Jitihada ambazo wote walifanya ili kumsaidia Laura zilitokeza baraka gani?