Isaya alituwekea mfano mzuri wa kujitolea kwa hiari. Ingawa hakujua kila kitu kilichohusika alionyesha imani kwa kuchukua hatua mara moja kulipokuwa na uhitaji. (Isa 6:8) Je, unaweza kurekebisha hali zako ili uweze kutumikia katika eneo lenye uhitaji mkubwa wa wahubiri wa Ufalme? (Zb 110:3) Bila shaka, unapaswa “kuhesabu gharama” kabla ya kuhamia eneo lenye uhitaji. (Lu 14:27, 28) Hata hivyo, uwe tayari kujidhabihu kwa ajili ya kazi ya kuhubiri. (Mt 8:20; Mk 10:28-30) Kama ilivyokaziwa katika video Kuhamia Eneo Lenye Uhitaji Mkubwa Zaidi, baraka tunazopata tunapomtumikia Yehova zinazidi kitu chochote tulichodhabihu.

• Kila mtu katika familia ya Williams alijidhabihu jinsi gani ili kwenda kutumikia nchini Ekuado?

• Ni mambo gani waliyozingatia walipochagua eneo la kwenda kutumikia?

• Walipata baraka gani?

• Unaweza kupata wapi habari zaidi kuhusu kutumikia maeneo yenye uhitaji mkubwa zaidi?

• Tunawezaje kupanua huduma yetu tukiwa familia? (km 8/11 4-6)

• Ikiwa hatuwezi kutumikia kwenye eneo lenye uhitaji mkubwa zaidi, tunaweza kufanya nini ili kulisaidia kutaniko letu? (w16.03 23-25)