KWA NINI NI MUHIMU: Watiwa-mafuta na kondoo wengine wanawakaribisha watu wote ‘wachukue maji ya uzima bure.’ (Ufu 22:17) Maji hayo ya mfano yanawakilisha maandalizi yote ya Yehova ya kuwaponya wanadamu watiifu kutokana na dhambi na kifo. Ili kuwasaidia watu ambao wana desturi mbalimbali na imani za kidini, tunahitaji kuhubiri “habari njema ya milele” kwa njia inayomvutia mtu mmoja-mmoja.—Ufu 14:6.

JINSI YA KUFANYA HIVYO:

• Chagua habari na andiko litakalogusa mioyo ya watu katika eneo lenu. Huenda ukachagua pendekezo la kuanzisha mazungumzo au ukachagua utangulizi ambao umetumia kwa mafanikio. Ni vichwa gani vya habari na maandiko ambayo watu wanapendezwa nayo? Je, kuna habari ya karibuni kwenye vyombo vya habari ambayo watu wanafikiria sana? Ni nini kitakachomvutia mwanamume au mwanamke?

• Katika mazungumzo yako tia ndani salamu na desturi nyingine ambazo ni za kawaida katika eneo lenu.—2Ko 6:3, 4

• Fahamu vizuri machapisho na video zilizo katika Sanduku letu la Vifaa vya Kufundishia ili umwonyeshe mtu anayependezwa

• Pakua habari iliyo katika lugha ambazo watu wanahitaji katika eneo lenu

• Badili habari unayozungumzia ili ipatane na mahitaji ya mwenye-nyumba. (1Ko 9:19-23) Kwa mfano, utasema nini ukigundua kwamba mwenye-nyumba alimpoteza mpendwa wake katika kifo hivi karibuni?

TAZAMENI VIDEO, KISHA MJIBU MASWALI YAFUATAYO:

• Mhubiri alianza kuzungumzia habari gani pamoja na mwenye-nyumba?

• Ni hali gani iliyokuwa ikiendelea katika maisha ya mwenye-nyumba?

• Ni andiko gani ambalo lilifaa katika pindi hii, na kwa nini?

• Unaweza kubadili utangulizi wako kwa njia gani ili kuwavutia watu katika eneo lenu?