Tangu mwaka wa 2018, kila toleo la magazeti yetu ya watu wote limekuwa likizungumzia habari moja tu. Magazeti yote hayo ni sehemu ya Sanduku la Vifaa vya Kufundishia. Kwa hiyo, tunaweza kuyatumia katika huduma. Pia, tunaweza kubeba nakala kadhaa tunaposafiri au tunapofanya ununuzi. Magazeti hayo hayajakusudiwa kuongoza funzo la Biblia na mtu lakini yanaweza kumchochea mtu apendezwe na mambo ya kiroho.

Baada ya kuanzisha mazungumzo, msomee andiko, na utaje habari inayoweza kumvutia mtu huyo iliyo katika mojawapo ya magazeti. Kwa mfano, ikiwa ana familia, au anakabiliana na huzuni, au mkazo, unaweza kusema: “Hivi karibuni nilisoma makala nzuri kuhusu jambo hilo, ungependa nikuonyeshe?” Ukihisi anapendezwa, unaweza kumpa nakala iliyochapishwa ya gazeti hilo au umtumie nakala ya kielektroni, hata kwenye ziara ya kwanza. Ingawa kusudi letu kuu si kutoa machapisho, magazeti yanaweza kutusaidia kuwapata wale ambao wako tayari kutenda kupatana na mambo wanayojifunza.—Mdo 13:48.