Je, wewe ni mtumishi wa wakati wote aliye na umri wa kati ya miaka 23-65? Je, una afya nzuri na unaweza kutumikia katika eneo lenye uhitaji mkubwa? Ikiwa umejibu ndio, je, umewahi kufikiria kuhudhuria Shule ya Waeneza-Injili wa Ufalme? Tangu darasa la kwanza lilipofanywa, maelfu ya wenzi wa ndoa, ndugu waseja, na dada waseja wametuma maombi yao. Hata hivyo, tunahitaji kupokea maombi ya ndugu wengi zaidi waseja. Mwombe Yehova aongeze tamaa yako ya kutaka kumfurahisha na kumwiga mwana wake. (Zb 40:8; Mt 20:28; Ebr 10:7) Kisha, fikiria jinsi unavyoweza kupunguza majukumu yako ya kimwili au ya kibinafsi ili ustahili kuhudhuria.

Wahitimu wa shule hiyo wamepata fursa zipi za utumishi baada ya kupokea mazoezi hayo ya kitheokrasi? Baadhi ya wahitimu wamepewa mgawo wa kutumikia katika maeneo ya lugha nyingine au kushiriki katika mahubiri ya pekee ya hadharani katika miji mikubwa. Wahitimu wengine hutumikia wakiwa waangalizi wa mzunguko wa badala, waangalizi wa mzunguko, au wamishonari walio shambani. Unapotafakari mambo unayoweza kufanya katika utumishi wa Yehova, mtazamo wako na uwe kama ule wa nabii Isaya aliyesema: “Mimi hapa! Nitume mimi!”​—Isa 6:8.

TAZAMENI VIDEO YENYE KICHWA, WAMISHONARI WALIO SHAMBANI—WAFANYAKAZI KATIKA MAVUNO, KISHA MJIBU MASWALI YAFUATAYO:

• Wamishonari walio shambani huchaguliwaje?

• Wamishonari walio shambani wanatimiza kazi gani nzuri?

• Ni zipi baadhi ya baraka zinazopatikana katika utumishi wa umishonari?