Tumaini ni kama nanga. (Ebr 6:19) Linalinda hali yetu ya kiroho tunapokabili magumu, kama nanga inavyoisaidia meli isivunjike inapokabili dhoruba. (1Ti 1:18, 19) Dhoruba hizo huenda zikatia ndani kuvunjika moyo kwa sababu ya mambo tuliyoshindwa kutimiza, kupoteza vitu vya kimwili, ugonjwa wa muda mrefu, kifo cha mpendwa, au jambo lolote lingine linaloweza kuhatarisha utimilifu wetu.

Imani na tumaini hutusaidia tuone waziwazi thawabu tuliyoahidiwa. (2Ko 4:16-18; Ebr 11:13, 26, 27) Kwa hiyo, iwe tuna tumaini la kimbingu au la kidunia, tunapaswa kuimarisha tumaini hilo kwa ukawaida kwa kutafakari ahadi zilizorekodiwa katika Neno la Mungu. Kisha, tunapokabili majaribu, itakuwa rahisi kudumisha shangwe yetu.—1Pe 1:6, 7.

TAZAMA VIDEO YENYE KICHWA SHANGILIENI KATIKA TUMAINI, KISHA UJIBU MASWALI YAFUATAYO:

• Kwa nini Musa ni mfano mzuri wa kuiga?

• Vichwa vya familia wana daraka gani?

• Ni habari gani mnazoweza kuzungumzia wakati wa Ibada ya Familia?

• Tumaini linaweza kukusaidiaje kukabiliana na majaribu kwa uhakika?

• Unatazamia nini wakati ujao?