Biblia ilitabiri kwamba Shetani atatumia mateso ili kujaribu kuzuia huduma yetu. (Yoh 15:20; Ufu 12:17) Tunaweza kuwasaidiaje Wakristo wenzetu wanaoteswa katika nchi nyingine? Tunaweza kusali kwa ajili yao. “Dua ya mtu mwadilifu, inapofanya kazi, ina nguvu nyingi.”—Yak 5:16.

Tunaweza kusali kuhusu nini? Tunaweza kumwomba Yehova awape ndugu na dada zetu ujasiri na awasaidie wasiogope. (Isa 41:10-13) Pia tunaweza kusali kwamba wenye mamlaka wawe na mwelekeo unaofaa kuelekea kazi ya kuhubiri, “ili tuendelee kuishi maisha shwari na matulivu.”—1Ti 2:1, 2.

Paulo na Petro walipoteswa, Wakristo wa karne ya kwanza walitaja majina yao walipokuwa wakisali kwa ajili yao. (Mdo 12:5; Ro 15:30, 31) Hata ikiwa hatujui majina ya wote wanaoteswa leo, je, tunaweza kutaja kutaniko, nchi, au eneo lao?