Ikiwa wewe ni kijana Mkristo au mwanafunzi wa Biblia, je, una lengo la kubatizwa? Kwa nini ni muhimu kubatizwa? Kujiweka wakfu na kubatizwa kutakusaidia kuwa na uhusiano wa pekee na Yehova. (Zb 91:1) Kuchukua hatua hizo, huongoza kwenye wokovu. (1Pe 3:21) Unaweza kufanya nini ili kufikia hatua hizo?

Jihakikishie kwamba hii ndiyo kweli. Unapokuwa na maswali, fanya utafiti. (Ro 12:2) Tambua unahitaji kufanya mabadiliko gani, kisha uyafanye ukiwa na nia ya kumtumikia Yehova. (Met 27:11; Efe 4:23, 24) Sikuzote sali kwake ili kumwomba msaada. Uwe na uhakika kwamba Yehova atakuimarisha na kukutegemeza kupitia roho yake takatifu yenye nguvu. (1Pe 5:10, 11) Jitihada zako si za bure. Kumtumikia Yehova ndiyo njia bora zaidi ya maisha!—Zb 16:11.

TAZAMENI VIDEO YENYE KICHWA BARABARA INAYOONGOZA KWENYE UBATIZO, KISHA MJIBU MASWALI YAFUATAYO:

• Watu fulani wameshinda vizuizi gani ili wabatizwe?

• Unaweza kusitawishaje imani inayohitajika ili kujiweka wakfu kwa Yehova?

• Ni nini ambacho kimewachochea watu fulani kuchukua hatua zinazohitajika ili kufikia ubatizo?

• Wale wanaochagua kumtumikia Yehova wanapata baraka gani?

• Wakfu na ubatizo unamaanisha nini?