Kama tu Yehova alivyowapanga Waisraeli, ndivyo anavyowapanga watu wake leo ili wafanye mapenzi yake. Ulimwenguni pote, ofisi za tawi, mizunguko, makutaniko, na vikundi vya utumishi wa shambani vimepangwa ili kuendeleza kazi ya kuhubiri habari njema. Tunawahubiria watu wote, kutia ndani wale wanaozungumza lugha nyingine.—Ufu 14:6, 7.

Je, umefikiria kujifunza lugha nyingine ili kumsaidia mtu ajifunze kweli? Hata ikiwa huwezi kupata muda wa kujifunza lugha nyingine unaweza kutumia programu ya JW Language kujifunza pendekezo rahisi. Kisha baada ya kutumia pendekezo hilo katika huduma, utapata shangwe ileile ambayo ndugu zetu katika karne ya kwanza walipata walipowahubiria watu kutoka katika nchi nyingine na kuwaona wakishangaa sana kusikia “mambo makuu ya Mungu” katika lugha yao wenyewe.—Mdo 2:7-11.

TAZAMENI VIDEO YENYE KICHWA UWE RAFIKI YA YEHOVA​—HUBIRI KATIKA LUGHA YA KIGENI, KISHA MJIBU MASWALI YAFUATAYO:

• Unaweza kutumia JW Language wakati gani?

• Programu hiyo ina sehemu zipi?

• Watu katika eneo lenu wanazungumza lugha zipi?

• Unaweza kufanya nini ikiwa mtu anapendezwa na ujumbe wa Ufalme lakini anazungumza lugha nyingine?—od 100-101 ¶39-41