Yehova anachukua kwa uzito nadhiri za ndoa. Amesema kwamba ni lazima wenzi wote wawili washikamane. (Mt 19:5, 6) Miongoni mwa watu wa Mungu kuna ndoa nyingi zenye furaha. Hata hivyo, hakuna ndoa kamilifu. Matatizo hutokea. Hatupaswi kamwe kusitawisha mtazamo ulioenea kwamba suluhisho la matatizo kati ya wenzi wa ndoa ni kutengana na kutalikiana. Wenzi wa ndoa Wakristo wanaweza kuilindaje ndoa yao?

Fikiria hatua tano muhimu.

1. Linda moyo wako kwa kuepuka mambo kama vile, kuwachezea wengine kimapenzi na burudani zisizofaa, mambo ambayo yanadhoofisha ndoa.—Mt 5:28; 2Pe 2:14.

2. Imarisha urafiki wako na Mungu na uongeze tamaa yako ya kumpendeza katika ndoa yako.—Zb 97:10.

3. Endelea kujivika utu mpya, na ufanye mambo madogo-madogo yanayomwonyesha mwenzi wako fadhili na yanayomfurahisha.—Kol 3:8-10, 12-14.

4. Dumisha mawasiliano yenye heshima na yenye maana.—Kol 4:6.

5. Toa haki ya ndoa kwa wororo na upendo.—1Ko 7:3, 4; 10:24.

Wakristo wanapoheshimu ndoa wanamwonyesha heshima Mwanzilishi wa ndoa, Yehova.

TAZAMENI VIDEO YENYE KICHWA LAZIMA “TUKIMBIE KWA UVUMILIVU”—TII SHERIA ZA SHINDANO, KISHA MJIBU MASWALI YAFUATAYO:

• Ingawa ndoa inaweza kuanza vizuri, ni changamoto zipi zinazoweza kutokea?

• Kanuni za Biblia zinaweza kuwasaidiaje wale wanaohisi ndoa yao haina upendo?

• Yehova amewapa sheria zipi wale waliofunga ndoa?

• Ili ndoa ifanikiwe mume na mke wanapaswa kufanya nini?