Samweli aliendelea kuwa mwaminifu kwa Yehova maisha yake yote. Alipokuwa mvulana, alikataa kutenda mambo maovu kama wana wa Eli, Hofni na Finehasi. (1Sa 2:22-26) Samweli aliendelea kukua, na Yehova akaendelea kuwa pamoja naye. (1Sa 3:19) Alipokuwa mzee, aliendelea kutembea katika njia ya Yehova, hata ingawa wanawe hawakufanya hivyo.​—1Sa 8:1-5.

Mfano wa Samweli unaweza kutufundisha nini? Ikiwa wewe ni kijana, uwe na uhakika kwamba Yehova anaelewa changamoto unazokabili na jinsi unavyohisi. Anaweza kukusaidia kuwa jasiri. (Isa 41:10, 13) Ikiwa wewe ni mzazi na mtoto wako ameacha kumtumikia Yehova, unaweza kufarijika kujua kwamba Samweli hangeweza kuwalazimisha wanawe wenye umri mkubwa kuendelea kuwa washikamanifu kwa viwango vya Yehova. Aliacha mambo yote mikononi mwa Yehova, naye akadumisha utimilifu wake na kumpendeza Baba yake wa mbinguni, Yehova. Huenda mfano wako mzuri utamchochea mtoto wako kumrudia Yehova.

TAZAMENI VIDEO YENYE KICHWA JIFUNZE KUTOKA KWAO​—SAMWELI, KISHA MJIBU MASWALI YAFUATAYO:

• Samweli alionyeshaje ujasiri alipokuwa mvulana?

• Danny alionyeshaje ujasiri?

• Samweli aliwekaje mfano mzuri akiwa mwanamume mzee?

• Wazazi wa Danny waliwekaje mfano mzuri?