Kwa nini usijaribu kuwaeleza wazazi wako waziwazi mambo unayofikiria? (Met 23:26) Sababu ni kwamba Yehova amewapa kazi ya kukutunza na kukuongoza. (Zb 127:3, 4) Ni vigumu kwao kukusaidia ikiwa utafungia mahangaiko na wasiwasi wako. Pia, utakosa nafasi ya kufaidika kutokana na uzoefu ambao wamepata maishani mwao. Je, ni vibaya kujiwekea mawazo fulani bila kuwaeleza? Hapana—ikiwa tu hufanyi hivyo kwa uwongo.​—Met 3:32.

Unawezaje kuzungumza na wazazi wako? Jaribu kutafuta muda unaokufaa na unaowafaa pia. Ikiwa ni vigumu kufanya hivyo, unaweza kuwaandikia barua ukieleza hisia zako. Vipi ikiwa wanataka kuzungumzia jambo ambalo usingependa kulizungumzia? Kumbuka kwamba wanataka sana kukusaidia. Wafikirie wazazi wako kuwa rafiki zako, si maadui. Jitihada unazofanya za kuzungumza nao waziwazi zitakunufaisha maisha yako yote​—milele!​—Met 4:10-12.

TAZAMENI VIDEO YENYE KICHWA MAISHA YANGU YA UTINEJA​—NINAWEZA KUZUNGUMZAJE NA WAZAZI WANGU? KISHA MJIBU MASWALI YAFUATAYO:

• Esther na Partik walitambua nini kujihusu?

• Unaweza kujifunza nini kutoka kwa mfano wa Yesu?

• Wazazi wako wameonyeshaje kwamba wanakujali?

• Ni kanuni gani za Biblia zinazoweza kukusaidia kuzungumza na wazazi wako?