Maandiko yanatuambia tuwatendee Wakristo wenye umri mkubwa kama mama au baba zetu na wenye umri mdogo kama ndugu na dada zetu. (Soma 1 Timotheo 5:1, 2.) Ndugu hasa ndio wanaohitaji kuwatendea akina dada kwa staha na heshima.

Ndugu hapaswi kumchezea dada kimapenzi au kufanya jambo lolote litakalomfanya ahisi hana nia nzuri kumwelekea. (Ayu 31:1) Ndugu mseja hapaswi kuchezea hisia za dada mseja kwa kumfanya afikiri anataka kuanzisha uhusiano wa kimahaba naye ikiwa hakusudii kufanya hivyo.

Akina dada wanapouliza swali kwa heshima au kutaja jambo fulani linalohitaji kushughulikiwa, wazee wanapaswa kuwaonyesha ufikirio. Wazee wanapaswa hasa kuwaonyesha ufikirio akina dada ambao hawana mume wa kuwalinda.—Ru 2:8, 9.

TAZAMENI VIDEO YENYE KICHWA ONYESHA UPENDO USIOSHINDWA KUTANIKONI—KWA WAJANE NA WATOTO WASIO NA BABA, KISHA MJIBU MASWALI YAFUATAYO:

• Kutaniko lilimwonyeshaje Dada Myint upendo wa kipekee?

• Upendo ulioonyeshwa na kutaniko ulitoaje ushahidi mzuri katika eneo lao?

• Upendo ulioonyeshwa na kutaniko uliwachocheaje binti za Dada Myint?

Unaweza kuwaonyeshaje upendo akina dada katika kutaniko lenu?