• Zb 69:​30, 31—Mistari hii inaweza kutusaidiaje kuboresha sala zetu? (w99 1/15 18 ¶11)

  Jibu lako

• Ungependa kushiriki nasi hazina gani kutoka kwenye usomaji wa Biblia wa juma hili?

  Jibu lako

Januari 2009, Funzo la Kitabu la Kutaniko liliunganishwa na Shule ya Huduma ya Kitheokrasi na Mkutano wa Utumishi ili kufanyiza mkutano mmoja wa katikati ya juma. Kufanya hivyo kuliwezesha familia kuwa na jioni moja kila juma ya kuwa na programu yao wenyewe ya ibada ya familia. Wengi wameshukuru sana kwa mpango huo uliofanywa ili kuwasaidia kumkaribia Yehova zaidi na kuboresha uhusiano wao wa familia.—Kum 6:​6, 7.

Ni kanuni zipi zinazoweza kusaidia vichwa vya familia kuwa na ibada ya familia ya kawaida na yenye maana?

• Hakikisha ni ya kawaida. Ikiwezekana, weka muda hususa wa ibada ya familia kila juma. Muwe na siku mbadala ikiwa ratiba inavurugwa

• Tayarisha. Wasiliana na mke wako, na mara kwa mara waombe watoto mapendekezo yao. Huhitaji kufanya matayarisho makubwa, hasa ikiwa familia inafurahia kufanya aina ileile ya utendaji kila juma

• Patanisha ibada na mahitaji ya familia yako. Kadiri watoto wanavyokua, mahitaji na uwezo wao hubadilika. Programu yenu inapaswa kumsaidia kila mshiriki wa familia kukua kiroho

• Dumisha roho ya upendo na yenye kustarehesha. Pindi fulani, fikiria kujifunzia nje ya nyumba wakati ambapo hali ya hewa inaruhusu. Mnaweza kuwa na vipindi vya kupumzika katikati ya ibada. Ingawa mnapaswa kukazia fikira changamoto hususa zinazokabili familia yenu, usitumie ibada ya familia kuwakemea watoto au kuwatia nidhamu

• Uwe na unamnanamna. Kwa mfano, kipindi chenu kinaweza kutia ndani kutayarisha sehemu fulani ya mkutano, kutazama na kuzungumzia video kutoa kwenye jw.org, na kuwa na vipindi vya mazoezi kwa ajili ya huduma. Ingawa mazungumzo ndiyo sehemu kuu ya jioni ya Ibada ya Familia, muda unaweza kutengwa ili washiriki wa familia wafanye funzo la kibinafsi

Zungumzieni swali hili:

• Mmejaribu kutumia kanuni gani kati ya hizi kwenye ibada yenu ya familia?

  Jibu lako