Wazazi wanaomwogopa Mungu wana hamu ya kuwaona watoto wao wakiwa watumishi waaminifu wa Yehova. Wazazi wanaweza kuwasaidia kwa kukazia mafundisho ya Biblia mioyoni mwao tangu wanapokuwa watoto wachanga. (Kum 6:7; Met 22:6) Je, wazazi wanahitaji kujidhabihu ili wafanye hivyo? Bila shaka! Lakini jitihada zao zitathawabishwa sana.—3Yo 4.

Wazazi wanaweza kujifunza mambo mengi kutoka kwa Yosefu na Maria. “Walikuwa na desturi ya kwenda Yerusalemu kila mwaka kwa ajili ya sherehe ya Pasaka,” hata ingawa kufanya hivyo kulihitaji jitihada na gharama. (Lu 2:41) Jambo muhimu zaidi maishani mwao lilikuwa hali ya kiroho ya familia yao. Vivyo hivyo, wazazi leo wanaweza kuwasaidia watoto wao kuchukua hatua zinazofaa kwa kutumia kila fursa kuwafundisha kwa maneno na kwa mfano wao.—Zb 127:3-5.

TAZAMENI VIDEO WALITUMIA KILA FURSA, KISHA MJIBU MASWALI YAFUATAYO:

• Jon na Sharon Schiller walitangulizaje mambo ya Ufalme walipokuwa wakiwalea watoto wao?

• Kwa nini wazazi wanapaswa kumpa kila mtoto nidhamu kulingana na uhitaji wake?

• Wazazi wanaweza kuwatayarishaje watoto wao kukabiliana na majaribu ya imani?

• Umetumia vifaa gani vinavyoandaliwa na tengenezo la Yehova ili kuwasaidia watoto wako kukua kiroho?