KWA NINI NI MUHIMU: Kuwa na funzo la kibinafsi la Neno la Mungu hutusaidia “kufahamu kikamili upana na urefu na kimo na kina” cha kweli. (Efe 3:18) Pia, linatusaidia kubaki bila lawama wala doa katika ulimwengu huu mwovu na “kulishika sana neno la uzima.” (Flp 2:15, 16) Funzo la kibinafsi la Neno la Mungu linatupa nafasi ya kujichagulia habari tunazohitaji sisi binafsi. Tunaweza kufanya nini ili kutumia vizuri muda tunaosoma na kujifunza Biblia?

JINSI YA KUFANYA HIVYO:

• Tia mistari alama na uandike habari katika Biblia yako ya kujifunzia, iwe imechapishwa au ya kielektroni

• Jiulize maswali haya unaposoma Neno la Mungu: ‘Nani? Nini? Lini? Wapi? Kwa nini? Jinsi gani?’

• Pata habari kamili. Ukitumia vifaa vya utafiti vinavyopatikana, fanya utafiti kuhusu habari au mstari wa Biblia

• Tafakari mambo unayosoma ili kutambua jinsi habari hiyo inavyokuhusu

• Tumia mambo unayojifunza katika maisha yako ya kila siku.—Lu 6:47, 48

TAZAMENI VIDEO ENDELEA “KULISHIKA SANA”—KUPITIA FUNZO LA KIBINAFSI LENYE MATOKEO, KISHA MZUNGUMZIE MASWALI YAFUATAYO:

• Watu fulani wamefafanuaje funzo la kibinafsi?

• Kwa nini tunapaswa kuanza kila kipindi cha funzo la kibinafsi kwa sala?

• Ni nini kinachoweza kutusaidia kuelewa vizuri zaidi simulizi la Biblia?

• Tunaweza kuweka alama za aina gani katika Biblia yetu ya kujifunzia?

• Kwa nini ni muhimu sana kutafakari tunapojifunza Neno la Mungu?

• Tunapaswa kufanya nini na mambo tunayojifunza?