Tangu Januari 2018, mapendekezo ya kuanzisha mazungumzo yamekuwa kwenye jalada la Daftari la Mkutano wa Huduma na Maisha Yetu ya Kikristo. Mapendekezo hayo yanaweza kutumiwaje?

Unapotoa Mgawo wa Mwanafunzi: Unapaswa kutumia swali, andiko, na swali la ziara inayofuata kama ilivyoonyeshwa kwenye pendekezo la kuanzisha mazungumzo. Hata hivyo, hilo halimaanishi kwamba utumie maneno yaleyale yaliyo katika video ya pendekezo la kuanzisha mazungumzo. Unaweza kutumia kikao tofauti, utangulizi tofauti, njia tofauti ya kusababu, na kadhalika. Pia unaweza kutoa chapisho kutoka katika Sanduku la Vifaa vya Kufundishia, hata ikiwa maagizo ya sehemu hiyo hayajasema ufanye hivyo.

Unapokuwa katika Huduma: Mapendekezo ya kuanzisha mazungumzo yamekusudiwa kukupa mawazo ya kutumia. Mtu anapoonyesha upendezi wa kweli na anataka kujua mengi zaidi, unaweza kuendeleza mazungumzo, labda kwa kutumia habari iliyo katika pendekezo la ziara ya kurudia. Unaweza kubadili mapendekezo ya kuanzisha mazungumzo au kutumia habari tofauti kabisa. Ni nini kinachoweza kuwavutia watu kwa njia kubwa katika eneo lenu, je, ni habari iliyoonyeshwa mwezi mwingine au andiko tofauti? Je, watu katika eneo lenu wanapendezwa zaidi na tukio la karibuni au habari fulani katika vyombo vya habari? Hata iwe utatumia mapendekezo ya kuanzisha mazungumzo kwa njia gani, lengo lako linapaswa kuwa ‘kufanya mambo yote kwa ajili ya habari njema, ili uishiriki pamoja na wengine.’—1Ko 9:22, 23.