KWA NINI NI MUHIMU: Kitabu cha 1 Wakorintho ni moja kati ya barua 14 ambazo mtume Paulo aliandika kuwatia moyo Wakristo wenzake. Barua inamruhusu mwandikaji achague maneno yake kwa uangalifu, na inaweza kusomwa mara nyingi na anayeipokea. Barua ni njia nzuri ya kuwatolea ushahidi watu wa ukoo na marafiki. Pia ni njia yenye matokeo ya kuwatolea ushahidi watu ambao tunashindwa kuongea nao uso kwa uso. Kwa mfano, huenda mtu fulani amependezwa lakini ni vigumu kumpata nyumbani. Huenda ikawa vigumu kuwafikia baadhi ya watu katika eneo kwa sababu wanaishi katika majengo yenye usalama mkali au nyumba zilizo maeneo ya mbali. Ni mambo gani ambayo ni muhimu kufikiria, hasa unapomwandikia mtu usiyemfahamu?

JINSI YA KUFANYA HIVYO:

• Sema mambo ambayo ungesema ikiwa ungezungumza naye moja kwa moja. Jitambulishe mwanzoni mwa barua yako, na ueleze waziwazi kwa nini umeandika barua. Labda unaweza kuuliza swali ambalo ungependa mtu huyo alifikirie, na umwelekeze kwenye tovuti yetu. Kisha mwambie kuhusu Masomo ya Biblia Kwenye Mtandao, umweleze kuhusu programu yetu ya kujifunza Biblia na watu nyumbani kwao, au utaje baadhi ya vichwa vya sura zinazozungumziwa katika machapisho ya funzo. Machapisho, kama vile kadi ya mawasiliano, mwaliko, au trakti, yanaweza kutiwa ndani ya barua hiyo

• Andika barua fupi. Maliza barua yako kabla msomaji achoke kuisoma.—Tazama barua ya kielelezo

• Isome tena kuhakikisha haina makosa na inasomeka vizuri. Inapaswa kuwa ya kirafiki, imeandikwa kwa busara, na yenye kutia moyo. Weka stempu za kutosha