KWA NINI NI MUHIMU: Vipofu wengi hawajihisi huru kuzungumza na mtu mgeni. Kwa hiyo, unahitaji kuwa na ustadi ili kuwatolea ushahidi. Yehova anawapenda na kuwajali vipofu. (Law 19:14) Tunaweza kuiga mfano wake kwa kuchukua hatua ya kwanza kuwasaidia vipofu kiroho.

JINSI YA KUFANYA HIVYO:

• “Watafute” vipofu. (Mt 10:11) Je, unamfahamu mtu aliye na mtu wa ukoo ambaye ni kipofu? Je, eneo lenu lina shule au mashirika mengine ambayo yangependa machapisho yaliyotayarishwa kwa ajili ya vipofu?

• Onyesha upendezi wa kibinafsi. Kuonyesha urafiki na upendezi wa kweli kutamfanya mtu ambaye ni kipofu ajihisi huru. Jaribu kuanzisha mazungumzo yanayotegemea habari inayofaa eneo lenu

• Andaa msaada wa kiroho. Ili kuwasaidia vipofu na wale wenye uwezo mdogo wa kuona, tengenezo letu limetokeza machapisho ya aina mbalimbali. Muulize mwenye-nyumba angependa kutumia njia gani kujifunza. Mwangalizi wa utumishi anapaswa kuhakikisha kwamba mtumishi wa machapisho anatoa ombi la aina ya chapisho ambalo kipofu angependa zaidi