• Zb 23:3—“Njia za uadilifu” ni nini, na ni nini kitakachotusaidia tusikengeuke kutoka katika njia hizo? (w11 2/15 24 ¶1-3)

  Jibu lako

• Ungependa kushiriki nasi hazina gani kutoka kwenye usomaji wa Biblia wa juma hili?

  Jibu lako

Kondoo wanajua sauti ya mchungaji wao, nao humfuata. Hata hivyo, wanaposikia sauti ya mgeni wanamkimbia. (Yoh 10:5) Sisi pia, tunaisikiliza sauti ya wachungaji wetu wa kiroho, yaani, Yehova na Yesu. Wao ni wachungaji wenye upendo na wanaotegemeka. (Zb 23:1; Yoh 10:11) Lakini hatuisikilizi sauti ya wageni kwa sababu kusudi lao ni kudhoofisha imani yetu kupitia “maneno ya uwongo.”—2Pe 2:​1, 3.

Sura ya tatu ya kitabu cha Mwanzo inaeleza kuhusu pindi ya kwanza kabisa ambapo sauti ya mgeni ilisikika duniani. Shetani aliongea na Hawa kupitia nyoka ili Hawa asijue ni nani hasa aliyekuwa akiongea naye. Ingawa Shetani alijifanya kuwa rafiki, alisema uwongo kumhusu Yehova na kusudi la Yehova. Hawa alimsikiliza Shetani na akajiletea shida nyingi yeye mwenyewe na pia familia yake.

Lengo la Shetani ni kutufanya tuwe na shaka kumhusu Yehova na tengenezo lake. Yeye hueneza ripoti mbaya, kweli nusu-nusu, na uwongo wa moja kwa moja kuhusu Mashahidi wa Yehova ili kutimiza lengo lake. Tunaposikia sauti ya mgeni tunapaswa kukimbia! Huenda tukawa na udadisi lakini ni hatari kusikiliza habari hizo hata kwa muda mfupi. Tusisahau kwamba Shetani hakuhitaji kutumia maneno mengi kumshawishi Hawa. (Mwa 3:​1, 4, 5) Lakini vipi ikiwa mtu anayetaka kukuonyesha habari zilizokusudiwa kuchafua jina la tengenezo la Yehova ni mtu unayemfahamu, anayekupenda, na mwenye nia nzuri?

Onyesha VIDEO Kataa “Sauti ya Wageni.” Kisha waulize wasikilizaji:

Umejifunza nini kutokana na jinsi Lulu alivyotenda mama yake ambaye si mwamini alipotaka kumwonyesha habari zisizofaa?