Tunapofanya ziara za kurudia au kuongoza mafunzo ya Biblia, tunahitaji kuwasaidia wasikilizaji wetu kuelewa mambo makuu. Tunapotoa mifano kufafanua mambo hayo, tunaweza kuchochea mioyo yao na kufanya iwe rahisi zaidi kukumbuka mafundisho hayo.

Unapojitayarisha kwa ajili ya ziara ya kurudia au funzo la Biblia, toa mifano inayohusiana na mambo makuu uliyoteua, si mambo madogo. Kisha chagua mifano rahisi inayohusisha utendaji wa kila siku. (Mt 5:14-16; Mk 2:21; Lu 14:7-11) Zingatia malezi na utendaji wa msikilizaji wako. (Lu 5:2-11; Yoh 4:7-15) Unapoona shangwe ya msikilizaji wako anapoelewa jambo unalozungumzia, utapata shangwe.

TAZAMENI VIDEO YENYE KICHWA PATA SHANGWE YA KUFANYA WANAFUNZI—BORESHA USTADI WAKO—KUTUMIA MIFANO KUFAFANUA MAMBO MAKUU, KISHA MJIBU MASWALI YAFUATAYO:

• Kwa nini huenda wanafunzi wakahitaji msaada kuelewa mistari ya Biblia?

• Neema alitumia mfano gani ili kufundisha kweli inayopatikana kwenye Waroma 5:12?

• Mifano mizuri inaweza kuwa na matokeo gani kwa wasikilizaji wetu?

• Tunapokuwa katika huduma, kwa nini tunapaswa kutumia video na vifaa vingine vya kufundishia vilivyoandaliwa na tengenezo la Yehova?