Nidhamu inahusiana hasa na mwongozo na elimu, lakini pia inahusisha kurekebisha na kuadhibu. Yehova hututia nidhamu ili tumwabudu kwa njia inayokubalika. (Ro 12:1; Ebr 12:10, 11) Nyakati nyingine nidhamu inaumiza, lakini inaongoza kwenye uadilifu na baraka. (Met 10:7) Wale wanaotoa nidhamu na wale wanaoipokea wanapaswa kukumbuka mambo gani?

Mtoaji. Wazee, wazazi na wengine, hujitahidi sana kutoa nidhamu kwa fadhili na upendo kama Yehova anavyofanya. (Yer 46:28) Hata nidhamu kali inapaswa kutolewa kulingana na uhitaji na ichochewe na upendo.—Tit 1:13.

Mpokeaji. Hatupaswi kuikataa nidhamu hata ikitolewa kwa njia gani, bali tunapaswa kujaribu kuitumia mara moja. (Met 3:11, 12) Tukiwa wanadamu wasio wakamilifu, sote tunahitaji kutiwa nidhamu. Nidhamu hiyo hutolewa kwa njia mbalimbali. Tunaweza kutiwa nidhamu kupitia mambo tunayosoma katika Biblia au kusikia katika mikutano ya kutaniko. Au nyakati nyingine, wengine huhitaji kutiwa nidhamu na halmashauri ya hukumu. Kukubali nidhamu hatimaye huongoza kwenye uzima.—Met 10:17.

TAZAMENI VIDEO YENYE KICHWA “YEHOVA HUWATIA NIDHAMU WALE ANAOWAPENDA,” KISHA MJIBU MASWALI YAFUATAYO:

• Maisha ya Canon yalianzaje, lakini yalibadilikaje?

• Yehova alimtiaje nidhamu kwa upendo?

• Tunajifunza masomo gani kutokana na kisa chake?