“Yehova anawafurahia watu wake.” (Zb 149:4) Ingawa sisi si wakamilifu, anaona sifa zetu nzuri na uwezo tulio nao. Hata hivyo, pindi fulani huenda ikawa vigumu kwetu kuwa na maoni kama hayo yenye usawaziko kujielekea. Huenda tukahisi kwamba hatufai kwa sababu ya jinsi wengine wanavyotutendea. Au, ikiwa tutakazia fikira makosa tuliyofanya wakati uliopita, huenda tukawa na shaka ikiwa kweli Yehova anatupenda. Ni nini kinachoweza kutusaidia tunapohisi hivyo?

Kumbuka kwamba Yehova anaona mambo ambayo wanadamu hawawezi kuona. (1Sa 16:7) Hilo linamaanisha kwamba anafahamu mambo ambayo hata sisi wenyewe hatufahamu kujihusu. Inapendeza kwamba Biblia inatusaidia kuelewa maoni ya Yehova kutuhusu. Tunaweza kuelewa maoni yake tunapochunguza mistari na masimulizi ya Biblia yanayofunua jinsi Yehova anavyowapenda waabudu wake.

TAZAMENI VIDEO YENYE KICHWA UHAKIKISHIE MOYO WAKO MBELE ZA YEHOVA, KISHA MJIBU MASWALI YAFUATAYO:

• Mfano wa mkimbiaji na baba yake unatufundisha nini kuhusu jinsi Yehova anavyotuona?

  Jibu lako

• Mtu aliyetenda dhambi nzito anapochukua hatua za kurekebisha uhusiano wake na Yehova, anaweza kufanya nini ili kuuhakikishia moyo wake mbele za Yehova?—1Yo 3:19, 20

  Jibu lako

• Ndugu huyo alinufaikaje kwa kusoma na kutafakari masimulizi ya Daudi na Yehoshafati?

  Jibu lako