Kwa kuwa dhiki kuu inakaribia, kazi yetu ya kuhubiri inapaswa kufanywa haraka. (Met 24:11, 12, 20) Ili kuwasaidia watu, tunaweza kutumia kadi za mawasiliano kuwaelekeza kwenye Neno la Mungu na tovuti yetu. Kadi hiyo ina alama inayowaelekeza watu kwenye video Kwa Nini Ujifunze Biblia? na mwaliko wa kuomba habari zaidi au funzo la Biblia. Watu fulani hawakubali machapisho lakini wanakubali kutembelea tovuti yetu. Usisite kuwapa kadi ya mawasiliano. Hata hivyo, usiwaachie watu wasiopendezwa kadi ya mawasiliano.

Unapoendelea na shughuli zako za kila siku, unaweza kuchochea upendezi wa mtu kwa kusema: “Ningependa kukupa kadi hii itakayokuelekeza kwenye tovuti iliyo na habari na video kuhusu mambo mbalimbali. Habari zote katika tovuti hiyo zinapatikana bila malipo.” (Yoh 4:7) Kwa kuwa kadi za mawasiliano ni ndogo, unaweza kubeba chache ili uwape watu kila unapopata fursa.