Mwezi wa Novemba, tutatia jitihada za pekee kutangaza habari njema kwamba hivi karibuni kutakuwa na ulimwengu bora zaidi. (Zb 37:10, 11; Ufu 21:3-5) Badili ratiba yako ili ushiriki kikamili katika kampeni hii. Ikiwa utajiandikisha kuwa painia msaidizi mwezi huo, unaweza kuchagua kutimiza takwa la saa 30 au 50.

Jitayarishe kuwaonyesha watu wengi kadiri iwezekanavyo andiko linalohusu ulimwengu mpya. Unapochagua andiko utakalosoma, zingatia ni nini kitakachowapendeza watu katika eneo lenu. Mtu akionyesha upendezi katika ziara ya kwanza, mpe nakala ya toleo la watu wote la Mnara wa Mlinzi Na. 2 2021. Kisha fuatia upendezi haraka iwezekanavyo, na ujaribu kuanzisha funzo la Biblia ukitumia broshua Furahia Maisha Milele! Ni shangwe kubwa sana kutumia muda wetu kikamili kutangaza “habari njema za jambo bora.”—Isa 52:7.

TAZAMENI VIDEO YA WIMBO ULIOTUNGWA WENYE KICHWA TUNATAZAMIA ULIMWENGU MPYA, KISHA MJIBU MASWALI YAFUATAYO:

• Msichana huyo alikuwa akiwazia kuhusu nini kinachopendeza cha wakati ujao?

• Unatazamia mambo gani kwa hamu katika ulimwengu mpya?

• Kutafakari tumaini lako kunaweza kukusaidiaje kujitayarisha kushiriki kikamili katika kampeni ya Novemba?—Lu 6:45.