Mwanariadha anahitaji kuendelea kuzoeza misuli yake ili adumishe ustadi wake. Vivyo hivyo, tunapaswa pia kutia bidii ili kuzoeza na kudumisha nguvu zetu za utambuzi. (Ebr 5:14) Ingawa huenda tukawa na mwelekeo wa kuiga maamuzi ya wengine, tunapaswa kuzoeza uwezo wetu wa kufikiri na kujifanyia maamuzi yetu wenyewe. Kwa nini? Kwa sababu kila mmoja wetu atatoa hesabu kwa ajili ya maamuzi yake mwenyewe.—Ro 14:12.

Hatupaswi kufikiri kwamba tutafanya maamuzi mazuri kwa sababu tu tulibatizwa miaka mingi iliyopita. Ili kufanya maamuzi yenye hekima, tunahitaji kumtegemea Yehova kikamili, Neno lake, na tengenezo lake.—Yos 1:7, 8; Met 3:5, 6; Mt 24:45.

TAZAMENI VIDEO YENYE KICHWA “DUMISHA DHAMIRI NJEMA,” KISHA MJIBU MASWALI YAFUATAYO:

• Emma alikabili uamuzi gani?

• Kwa nini tunapaswa kuepuka kutoa maoni yetu kuhusu mambo yanayohusu dhamiri?

• Wenzi fulani wa ndoa walimpa Emma ushauri gani wenye hekima?

• Emma alipata wapi habari inayofaa kuhusu hali yake?