• Zb 92:5—Maneno haya yanafafanuaje hekima ya Yehova kwa njia inayofaa? (cl 176 ¶18)

  Jibu lako

• Ungependa kushiriki nasi hazina gani kutoka kwenye usomaji wa Biblia wa juma hili?

  Jibu lako

Watumishi wa Yehova wanaweza kupatwa na mahangaiko. Kwa mfano, mara kwa mara Daudi alikabili mahangaiko maishani mwake, na ndivyo ilivyo kwa ndugu wengi leo. (Zb 13:2; 139:23) Kwa kusikitisha, hata vijana wanakabili mahangaiko. Nyakati nyingine, mahangaiko yanaweza kufanya utendaji wa kawaida, kama vile kwenda shuleni au kuhudhuria mikutano ya kutaniko, uonekane kuwa wenye kulemea. Huenda hata mahangaiko yakawasababishia mishtuko ya ghafla ya hofu au hata kuwafanya wawe na mawazo ya kujiua.

Vijana, wakati wowote mtakapohisi mmelemewa na mahangaiko, zungumzeni na mzazi au Mkristo mkomavu. Hakikisheni pia mnasali kwa Yehova ili kupata msaada wake. (Flp 4:6) Yeye atawasaidia. (Zb 94:​17-19; Isa 41:10) Hebu ona mfano wa Steing.

Onyesha VIDEO Yehova Alinitunza. Kisha waulize wasikilizaji:

• Ni mstari gani wa Biblia uliomsaidia Steing, na kwa nini?

• Yehova alimtunzaje?

Wazazi, mnaweza kuwasaidia watoto wenu kukabiliana na mahangaiko kwa kuwasikiliza kwa subira, kuwahakikishia kwamba mnawapenda, na kuwasaidia kuwa na uhakika kwamba Yehova anawapenda. (Tit 2:4; Yak 1:19) Mtegemee Yehova ili upate faraja na nguvu unazohitaji za kuwategemeza watoto wako.

Huenda tusijue wakati ambapo mtu kutanikoni anakabiliana na mahangaiko mazito au kuelewa jinsi anavyohisi. Hata hivyo, tunaweza kuwasaidia wote kutanikoni kujihisi wanapendwa na kuthaminiwa.—Met 12:25; Ebr 10:24.