Huo ni mkataa uliofikiwa na kikundi cha watafiti wa kimataifa kuhusu mabadiliko ya hali ya hewa. Ikiwa unaamini kwamba kuna Muumba anayewajali wanadamu, mkataa huo wa kisayansi unaweza kukukumbusha kuhusu mifumo mingi ya asili iliyowekwa na Mungu ili kuisafisha dunia.

Hata hivyo, kwa sababu wanadamu wameiharibu dunia kwa kiwango kikubwa, haiwezi kujisafisha na kurudia hali yake ya mwanzoni. Tunawezaje kuwa na uhakika kwamba Mungu atarekebisha hali hiyo?

Ona jinsi maandiko yaliyoorodheshwa katika sanduku yanavyotuhakikishia kwamba dunia yetu itaokoka na kudumu milele.

• Dunia iliumbwa na Mungu. “Hapo mwanzo Mungu aliziumba mbingu na dunia.”—Mwanzo 1:1

• Mungu ndiye mmiliki wa dunia yetu. “Dunia na vyote vilivyomo ni vya Yehova.” a—Zaburi 24:1

• Mungu aliiumba dunia yetu ikiwa na uwezo wa kujisafisha. “Ameiimarisha dunia juu ya misingi yake; haitasogezwa kutoka mahali pake milele na milele.”—Zaburi 104:5

• Mungu anaahidi kwamba dunia itaendelea kuwa na uhai milele. “Mungu wa kweli, Yule aliyeiumba dunia, . . . ambaye hakuiumba tu bila sababu, lakini aliiumba ili ikaliwe.”—Isaya 45:18

• Mungu anaahidi kwamba wanadamu wataishi duniani milele. “Waadilifu wataimiliki dunia, nao wataishi humo milele.”—Zaburi 37:29

Mungu ameiumba dunia katika njia ambayo wanadamu wanaweza kufurahia maisha bila kuiharibu kabisa. Biblia inaahidi kwamba kwa wakati wake, Yehova Mungu atawaharibu wale wanaoiharibu dunia.—Ufunuo 11:18

Biblia inaahidi kwamba Mungu ataifanya dunia yetu kuwa paradiso yenye kupendeza sana na ataufumbua mkono wake na “kutosheleza tamaa ya kila kitu kilicho hai.”—Zaburi 145:16