Kwa Nini Watu Wengi Hawajiheshimu?
KWA NINI NI MUHIMU KUJIHESHIMU
Watu wanaojiheshimu wanaweza kukabiliana kwa ujasiri na changamoto za maisha. Hawakati tamaa kirahisi.
-
Utafiti unaonyesha kwamba, watu wasiojiheshimu huenda wakapatwa na mahangaiko, mshuko moyo, na matatizo ya kutokula chakula vizuri. Huenda pia wakawa waraibu wa pombe na dawa za kulevya.
-
Watu wanaojiheshimu hawajilinganishi na wengine, na hilo hufanya iwe rahisi kwao kuwa na uhusiano mzuri na watu wengine na kupata marafiki wa kudumu. Kwa upande mwingine, watu wasiojiheshimu, mara nyingi wanapenda kukosoa mambo na hilo linaweza kuharibu mahusiano yao na watu.
-
Hata wanapokabili changamoto, watu wanaojiheshimu huendelea kuwa imara; hawaruhusu matatizo yawazuie kufikia lengo lao. Hata hivyo, watu wasiojiheshimu mara nyingi wanaona matatizo madogo kuwa vikwazo vikubwa. Hilo linaweza kuwafanya wakate tamaa kirahisi.
JAMBO UNALOWEZA KUFANYA
Chagua marafiki watakaokusaidia. Fanya urafiki na watu wenye heshima, wanaokujali kikweli, na watakaokutia moyo.
Wasaidie wengine. Ukiwa mwenye fadhili na uwafanyie wengine mambo mazuri, hata wale ambao hawana cha kukupatia, utapata furaha ya kweli inayotokana na kutoa. Na hata watu wasipotambua mambo mazuri unayofanya, bado utakuwa na furaha.
Wafundishe watoto wako kujiheshimu. Njia moja ya kufanya hivyo ni kuwapa nafasi ya kusuluhisha matatizo yao wenyewe kadiri wawezavyo. Kufanya hivyo kunawasaidia watoto kujua jinsi ya kupambana na hali ngumu, na kutatua matatizo bila kukata tamaa. Wanapojifunza kufanya hivyo wanajiheshimu si sasa tu, bali hata wanapokuwa watu wazima.
MAMBO TUNAYOFANYA
Mikutano ya Mashahidi wa Yehova pamoja na programu yao ya kujifunza Biblia inaweza kuwasaidia watu waboreshe maisha yao na kujiheshimu zaidi.
MIKUTANO YETU YA KILA JUMA
Katika mikutano yetu ya kila juma tunafurahia kusikiliza hotuba zinazotegemea Biblia. Hotuba hizo zina madokezo mazuri yanayotusaidia kujiheshimu. Hakuna kiingilio kinachotozwa kwenye mikutano yetu na watu wote wanakaribishwa. Kwa mfano, kwenye mikutano yetu utajifunza . . .
-
kwa nini sisi ni wenye thamani kwa Mungu
-
jinsi ya kupata kusudi la kweli maishani
-
jinsi ya kusitawisha urafiki imara na unaodumu
Utapata pia marafiki ‘wanaotunzana.’—1 Wakorintho 12:25, 26.
Ili kujua mengi kuhusu mikutano yetu, tafuta video fupi yenye kichwa Ni Nini Hutendeka Katika Jumba la Ufalme? kwenye jw.org/sw.
MASOMO YA BIBLIA
Tunakualika ujifunze Biblia pamoja na mwalimu kupitia kitabu Furahia Maisha Milele! Kitabu hicho cha kujifunzia kina maandiko muhimu, maswali yanayofaa, video zenye kuchochea, picha maridadi, na kinatoa sababu zilizo wazi. Masomo yetu ya Biblia yanawasaidia watu kujiheshimu na kuboresha maisha yao.
Ili kuona jinsi kujifunza Biblia na Mashahidi wa Yehova kunavyoweza kukunufaisha tafuta video fupi yenye kichwa Kwa Nini Ujifunze Biblia? kwenye jw.org/sw.
Huenda Ukapenda Pia
AMKENI!
Jinsi ya Kuonyesha Heshima
Heshima ni muhimu sana katika ndoa na haipaswi kupuuzwa hata kidogo. Unaweza kuonyeshaje kwamba unamheshimu mwenzi wako?
MAJIBU YA MASWALI YA BIBLIA
Biblia Inasema Nini Kuhusu Kujipenda Mwenyewe?
Yesu alisema: “Lazima umpende jirani yako kama unavyojipenda mwenyewe.” Alimaanisha nini?
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
KUTUHUSU
Hudhuria Mkutano
Jifunze kuhusu mikutano yetu. Pata mikutano iliyo katika eneo lililo karibu nawe.
