Tunamwabudu Yehova katika vikundi vikubwa kwenye mikutano yetu, makusanyiko ya mzunguko, na makusanyiko ya eneo, lakini pia tunamwabudu tukiwa peke yetu na katika familia. Yafuatayo ni baadhi ya mambo ambayo unaweza kujifunza katika funzo la kibinafsi na ibada ya familia:

• Jitayarishe kwa ajili ya mikutano ya kutaniko. Unaweza kutia ndani mazoezi ya kuimba nyimbo na kuwasaidia wote katika familia watayarishe maelezo.

• Soma simulizi la Biblia. Kisha, chora picha ya tukio ulilosoma katika simulizi hilo au uandike jambo fulani ulilojifunza.

• Chunguza sala fulani katika Biblia, kisha mzugumzie jinsi inavyoweza kuboresha sala zenu.

• Tazama video ya kitheokrasi, kisha izugumzie pamoja na wengine au andika kwa ufupi mambo uliyojifunza kutokana na video hiyo.

• Jitayarishe kwa ajili ya huduma, labda kwa kuwa na kipindi cha mazoezi.

• Chunguza uumbaji na utafakari kuuhusu au mzugumzie mambo ambayo uumbaji huo unawafundisha kumhusu Yehova. a