Kuwapa Watu Tumaini Halisi

KIJANA mmoja mwenye umri wa miaka 17 kutoka iliyokuwa jamhuri ya Sovieti ya Moldova aliandikia ofisi ya tawi ya Mashahidi wa Yehova ya huko ili kuonyesha uthamini wake kwa mfululizo wa makala ya Amkeni! ya Septemba 8, 1998, “Vijana wa Leo Wana Tumaini Gani?” Mwandishi huyo alieleza hivi:

“Singeweza kuyazuia machozi yangu kamwe, nililazimika kuwaandikia ili kuwashukuru. Makala hayo yalinikumbusha hisia nilizokuwa nazo muda mfupi uliopita. Nilipokaribia kujiua, Mashahidi wa Yehova waliniokoa bila kujua. Kwa kuzungumza nao kuhusu tumaini la wakati ujao na kuimarisha tumaini langu katika rehema za Muumba, kulinisaidia nipone hatua kwa hatua kutoka hali ya kuvunjika moyo. . . .

“Mnaonyesha majirani wenu upendo wa kweli kwa kusaidia watu wajifunze kuhusu kusudi la Mungu la kuleta hali bora za maisha. Ni wazi kwamba jitihada hizo zinafanikiwa. Jitihada zenu za kukazia matatizo ya pekee zaidi katika jamii ni zenye kusifika. Endeleeni kufanya kazi hii yenye mafaa. Nitakuwa nikingoja kila toleo jipya la gazeti hili.”

Kwenye fungu “Sababu ya Amkeni! Kuchapishwa,” ambalo hupatikana kwenye ukurasa wa 4 wa kila toleo, lasema: Gazeti hili hujenga uhakika katika ahadi ya Muumba ya kuleta ulimwengu mpya wenye amani na usalama ambao uko karibu kuchukua mahali pa mfumo wa mambo uliopo mwovu na usiotii sheria.” Ahadi ya Mungu inayotegemea Biblia imewapa mamilioni ya watu duniani pote nguvu ya kukabiliana na matatizo ya nyakati hizi zenye taabu.

Utaona tumaini halisi ambalo Muumba wetu hutoa likielezwa vizuri katika broshua yenye kurasa 32 Ni Nini Lililo Kusudi la Uhai? Wewe Waweza Kulipataje? Ona hasa sehemu “Karibuni Kusudi la Mungu Kutimizwa” na “Ishi Milele Juu ya Dunia-Paradiso.” Unaweza kuomba nakala ya broshua hii kwa kujaza na kutuma kuponi iliyo katika gazeti hili kwenye anwani inayoonyeshwa kwenye kuponi au anwani ifaayo iliyoorodheshwa kwenye ukurasa wa 5 wa gazeti hili.

□ Nitumieni nakala ya broshua Ni Nini Lililo Kusudi la Uhai? Wewe Waweza Kulipataje? Onyesha lugha unayotaka

□ Tafadhali wasilianeni nami kuhusu funzo la Biblia la nyumbani bila malipo.