“Nahitaji Kumtumaini Mungu”

Barua ifuatayo iliachwa kwenye Jumba la Ufalme la Mashahidi wa Yehova huko Edmonton, Alberta, Kanada.

“Mjumbe Mpendwa:

“Naandika ili nimshukuru mtu ambaye huenda alitenda jambo la pekee maishani mwangu pasipo kujua.

“Majuma kadhaa yaliyopita, mimi na mume wangu tulikuwa na ugomvi mkali. Nilikuwa tu nimesema maneno haya, ‘Hili ni jambo zito sana sidhani nitastahimili.’ Papo hapo kengele ya mlangoni ikapigwa. Sasa mmoja wa Mashahidi wa Yehova alikuwa mlangoni pangu, singeweza kujificha.

“Nilipofungua mlango, nilikuwa nimevurugika kiasi cha kutoweza kusikia yaliyosemwa. Nakumbuka maneno ‘watoto’ na ‘familia.’ Yule mtu akatoa kitabu kiitwacho Siri ya Kupata Furaha ya Familia. Nilipoona kichwa chake, nilianza tu kulia bila kukoma. Akanitazama, kisha akaomba radhi kwa sababu ya kunisumbua, akanipa kitabu hicho na kuondoka.

“Jambo la pekee ni gani? Ni kikumbusha cha kwamba sihitaji kuhangaika nisipojua la kufanya, kwa sababu Mungu anajua. Ninahitaji kumtumaini Mungu. Hata yeye hutuma mjumbe. Asante.”

Kitabu cha Siri ya Kupata Furaha ya Familia chaweza kunufaisha kila mshiriki wa familia. Baadhi ya sura zake zenye kuelimisha ni “Ilinde Familia Yako Dhidi ya Mavutano Yaletayo Uharibifu,” “Dumisha Amani Nyumbani Mwako,” na “Unaweza Kushinda Matatizo Yanayoidhuru Familia.”

Ili upate nakala, tafadhali jaza na kupeleka kuponi iliyopo hapa kwenye anwani iliyoonyeshwa kwenye kuponi au kwa anwani ifaayo iliyoorodheshwa kwenye ukurasa wa 5 wa gazeti hili. Utapokea madokezo hususa yanayoweza kukusaidia kutatua matatizo na kufanya maisha ya familia yapendeze kama Muumba alivyokusudia.

□ Nitumieni nakala ya kitabu cha Siri ya Kupata Furaha ya Familia. Onyesha lugha unayotaka

□ Tafadhali wasilianeni nami kuhusu funzo la Biblia nyumbani bila malipo.