Kupata Kilichopotea

Mwaka uliopita, mwanamume mmoja huko Maryland, Marekani, alikataa kwa upole kuchukua magazeti ya Mnara wa Mlinzi na Amkeni! Hata hivyo, binti yake mchanga aliomba magazeti hayo, naye baba akamruhusu kuyachukua. Hao wawili walikuwa wakisafisha gari lao na kuweka takataka kwenye pipa la takataka lililokuwapo karibu. Kwa kuwa Shahidi aliyekuwa amewapa magazeti hayo alidhani ya kwamba huenda wakayatupa, aliamua kwenda baadaye kuliangalia pipa hilo la takataka.

Magazeti hayakuwamo, lakini alipata mkoba na kibeti katika pipa lile. Mara moja yule mwanamke, ambaye anwani yake ilipatikana katika mkoba, alitembelewa. Mashahidi wawili waliofanya ziara hii, walimwona mwanamke mmoja wa makamo, akiongoza farasi-dume kwenye banda, walipokaribia makao yake. Walipompatia vitu hivyo, mwanamke yule alisema kwa mshangao: “Namshukuru Mungu, vitu vyote muhimu viko hapa—pasipoti yangu, kitabu cha hundi, kadi za mkopo, na hati ya farasi.” Aliwaambia ya kwamba vitu vile vilikuwa vimeibwa usiku uliotangulia. Kwa kuwa takataka ya pipa hilo ilikuwa karibu kutupwa, vitu hivyo havingalipatikana.

Mwanamke huyo alitaka kuwapa thawabu, lakini badala ya kukubali thawabu, wale dada wawili waliorudisha mkoba na kibeti, walimpatia broshua ya Mungu Anataka Tufanye Nini? Ili kuonyesha shukrani zake, yule mwanamke alitoa mchango kwa ajili ya kazi ya kueneza ulimwenguni pote vichapo vya Biblia vya aina hiyo. Tangu wakati huo amependezwa kikweli na funzo la Biblia.

Ikiwa ungependa kupata nakala bila malipo ya broshua yenye kurasa 32 iitwayo Mungu Anataka Tufanye Nini?, jaza na utume kuponi iliyo hapa, kwa kutumia anwani iliyoonyeshwa au anwani ifaayo kwenye ukurasa wa 5 wa gazeti hili.

□ Nitumieni nakala ya broshua Mungu Anataka Tufanye Nini?

□ Tafadhali wasilianeni nami kuhusu funzo la Biblia la nyumbani bila malipo.