Kulea Watoto Wema—Jinsi Gani?

Gazeti liitwalo The Gazette, la Montreal, Kanada, laripoti kwamba “watoto hujifunza kujiheshimu na kujidhibiti wakionyeshwa upendo na kutiwa nidhamu na wazazi.” Hayo yamaanisha nini? Kulingana na mwanasaikolojia anayechunguza matokeo ya matibabu aitwaye Constance Lalinec wa Montreal, ni muhimu sana kuwawekea watoto mipaka ya mambo wanayoruhusiwa kufanya.

Lalinec, anayetibu watoto na jamaa nzima, anataarifu kwamba “tunapowazuia watoto wasione matokeo ya matendo yao, tunawazuia pia wasijifunze mengi.” Maendeleo ya mtoto yaweza kuathiriwa kabisa asipotiwa nidhamu.

Shauri la Biblia lenye hekima la kulea watoto ambalo limetumiwa kwa muda mrefu linafaa kabisa. Biblia yasema hivi: “Acheni tu neno lenu Ndiyo limaanishe Ndiyo, La yenu, La.” (Mathayo 5:37) Baada ya kuweka sheria za kiasi na watoto wako kuzielewa, hakikisha bila kuchelewa na kwa uthabiti kwamba watoto wazitii. Onyesha kwa matendo kwamba hayo si maneno tu. Watoto wataelewa kabisa sheria za wazazi na pia kile ambacho wazazi wanatarajia kutoka kwao—wataelewa kwamba watu ‘watavuna lile wanalopanda.’ (Wagalatia 6:7; Waroma 2:6) Lengo la nidhamu yenye upendo iliyo na matokeo ni kufundisha watoto kufuata sheria, kuwafundisha kukubali kukatishwa tamaa na kukubali kwamba hawawezi daima kupata wanachotaka mara hiyo, hayo yote ni ya lazima ili wasitawishe sifa zinazohitajika ili wawe watu wazima wema waaminifu.

Ushauri mwingi zaidi kuhusu kile Mungu anachowaambia wazazi juu ya kutia watoto wao nidhamu kwa upendo wapatikana katika kitabu cha Siri ya Kupata Furaha ya Familia. Unaweza kupokea nakala ya kitabu hicho chenye kurasa 192, kwa kujaza na kutuma kuponi iliyopo hapa kwa anwani iliyoonyeshwa au anwani ifaayo iliyoorodheshwa kwenye ukurasa wa 5 wa gazeti hili.

□ Nitumieni nakala ya kitabu Siri ya Kupata Furaha ya Familia. Onyesha lugha unayotaka

□ Tafadhali wasilianeni nami kuhusu funzo la Biblia la nyumbani bila malipo.