Ukatili wa Mwanadamu—Je, Utapata Kuisha?

Nakala ya gazeti la Amkeni! la Machi 8, 2000, lililozungumzia suala gumu la utumwa, ambao kwa kusikitisha, ungalipo katika maeneo fulani ya ulimwengu, lilikabidhiwa Waziri wa Muungano wa Kijamii wa Italia, Livia Turco. Katika barua aliyoandikia ofisi ya tawi ya Mashahidi wa Yehova nchini Italia alikiri hivi:

“Namna za kisasa za utumwa, zinazowaathiri hasa wanawake na watoto, zinaleta hali hatari inayofanya mamilioni ya watu waishi maisha yasiyowafaa wanadamu.” Alimalizia kwa kusema hivi: “Wonyesho wowote wa ghadhabu dhidi ya hali hii iliyopo na isiyokubalika unathaminiwa sana, na unapowafikia watu wengi kama wale wasomaji wa [Amkeni!], unakuwa wenye matokeo hata zaidi.”

Kupitia ugawanyaji wa nakala zaidi ya milioni 20 za kila toleo la Amkeni! katika lugha 82, mamilioni ya wasomaji hawapashwi tu habari kuhusu matatizo ya wakati wetu bali pia wanaandaliwa utatuzi wake unaotegemea Biblia.

Lakini, swali linabaki, Ikiwa kweli Mungu yuko, mbona anaruhusu kuteseka vibaya kwa watu wasio na hatia? Wengi hujiuliza hivi, ‘Ninawezaje kumpenda Muumba ambaye hekima yake ni dhahiri katika maajabu yaliyo katika uumbaji lakini ambaye huonekana asiye na huruma kwa watu leo?’ Maswali kama hayo yamejibiwa kwa njia yenye kuridhisha katika broshua Je! Kweli Mungu Anatujali? Waweza kupokea nakala ya broshua hii kwa kujaza na kutuma kuponi iliyopo hapa ukitumia anwani iliyoonyeshwa au kwa anwani ifaayo iliyoorodheshwa kwenye ukurasa wa 5 wa gazeti hili.

□ Nitumieni nakala ya broshua Je! Kweli Mungu Anatujali? Onyesha lugha unayotaka

□ Tafadhali wasilianeni nami kuhusu funzo la Biblia la nyumbani bila malipo.