“Mimi Ni Msomaji Mzoefu wa Magazeti Yenu”

Barua iliyopokewa karibuni katika ofisi ya tawi ya Watch Tower Society huko Ujerumani ilisema hivi kwa sehemu:

“Sina budi kukiri kwamba mimi ni msomaji mzoefu wa magazeti yenu. Hali huwa ileile kila mwaka. Kabla tu ya kwenda likizoni, huwa naamua kuweka akiba ya magazeti mawili ya karibuni ili kuyasoma ninapokuwa kwenye ufuo wa bahari. Ni uamuzi madhubuti!

“Lakini punde tu ninapoyapokea, tatizo huzuka. Natupia jicho jedwali la yaliyomo. Asalale, simulizi la maisha! Haidhuru, nitalipitia ili kukidhi hamu tu na basi. Lo, makala ifuatayo yaonekana hasa yenye kupendeza. Yatosha! Nayahitaji magazeti haya ili kuyasoma wakati wa likizo. Haya basi, nitasoma makala moja tu. Na mambo yanayopatikana katika “Kuutazama Ulimwengu” daima ni yenye kuelimisha sana! Hatimaye, kama uwezavyo kuwazia, mimi hukamilisha kusoma kila makala hata kabla ya kufika ufuoni.”

Kupendwa kwa Amkeni! kwathibitishwa na uhakika wa kwamba takriban nakala 20,300,000 huchapishwa kwa kila toleo katika lugha 82. Wasomaji hupendezwa na mwelekeo wake chanya. Makala “Sababu ya Amkeni! Kuchapishwa,” inayotokea kwenye kila toleo husema kwamba “gazeti hili hujenga uhakika katika ahadi ya Muumba ya kuleta ulimwengu mpya wenye amani na usalama.”

Na bado, wengi huuliza, ‘Kwa nini Mungu ameruhusu kuteseka kwa muda mrefu hivyo?’ Swali hilo limejibiwa katika broshua Je! Kweli Mungu Anatujali? Waweza kuomba nakala kwa kujaza na kutuma kuponi iliyopo hapa kwa anwani iliyoonyeshwa au kwa anwani ifaayo iliyoorodheshwa kwenye ukurasa wa 5 wa gazeti hili.

□ Nitumieni nakala ya broshua Je! Kweli Mungu Anatujali? Onyesha lugha unayotaka

□ Tafadhali wasilianeni nami kuhusu funzo la Biblia la nyumbani bila malipo.