Mkusanyaji Aliyetaka Kumheshimu Muumba

MCHONGAJI na mkusanyaji wa vipepeo Mwamerika, Herman Strecker alipokufa karne moja iliyopita, aliacha mkusanyo uliokuwa mkubwa zaidi wakati huo wa vipepeo na nondo katika Amerika yote. Mkusanyo wa viumbe hao wapatao 50,000, sasa kwa sehemu ni mali ya Field Museum huko Chicago, Illinois, Marekani. Aina moja ya nondo majitu wa hariri kutoka Amerika Kusini ilikuwa yenye kutokeza kwa sababu ya jina lake. Kwenye kitabu chake, Lepidoptera, Bw. Strecker alieleza kwamba hakumpa nondo huyo jina la mtu fulani ambaye angeweza kumshukuru kwa kumpa chakula au mkopo wa pesa. * Badala yake, alimpa nondo huyo jina la Muumba. Kwa hiyo, watu wanapomwona “kiumbe huyo wa ajabu sana” watamfikiria Mungu. Hivyo, kwa sababu ya tamaa ya Bw. Strecker ya kumheshimu Muumba, leo nondo huyo wa hariri ana jina la kisayansi Copiopteryx jehovah.

Hata hivyo, watu fulani walioishi wakati mmoja na Bw. Strecker walipinga kutumiwa kwa jina la Mungu, kama alivyoandika mchambuzi mmoja, “kwa watu wenye kuchunguza na kufikiri kwa uzito, jina hilo hujumlisha mambo yote matakatifu.” Bw. Strecker akajibu hivi: “Ikiwa mambo yako hivyo, basi mimi nafurahia sana chaguo langu, kwa sababu naona kwamba lolote linalotusaidia kumfikiria Muumba, . . . lazima lifae sana; na kwa kweli kuna jambo gani lipitalo kutafakari juu ya mambo matakatifu,—juu ya uthibitisho wa ukuu na uweza wa Mtu aliye Mkuu zaidi?” Kwa hiyo, mkusanyaji Strecker alimalizia kwa kusema hivi: “Ni vigumu kuwazia kwamba watu wangepinga kupewa jina la Muumba mojawapo ya kazi Zake zenye kupendeza sana.”

Uchaji na staha ya Strecker kwa Muumba ni yenye kutokeza sana. Leo, Wakristo huwa waangalifu kutumia jina tukufu la Yehova katika njia zinazoliheshimu.

[Maelezo ya Chini]

[Picha katika ukurasa 31]

Herman Strecker

[Hisani]

Herman Strecker: From the book The Passing Scene, Vol. 8/The Historical Society of Berks County

[Picha katika ukurasa 31]

(Ukubwa wake halisi)